८ मंसिर २०८१, शनिबार
२०७५ जेष्ठ ८ गते, मंगलवार ०६:५७ मा प्रकाशित
रुसमा हुने फिफा विश्वकप २०१८ को लागि अर्जेन्टिनाले राष्ट्रिय टिमको घोषणा गरेको छ । उपाधिको दावेदार मानिएको अर्जेन्टिनाले मुख्य हतियार स्ट्राइकर लियोनल मेस्सीसहित २३ खेलाडी टिममा छानेको छ । जसमा सर्जियो अग्युरो, पाउलो डिबाला र गोन्जालो हेगुइनसहितका प्रमुख खेलाडी छन् ।
आउँदो जुन १४ देखि रुसमा सुरु हुने विश्वकप फुटबल २०१८ का लागि टिम घोषणा गरेको छ ।
तर इटालियन सिरी ए फुटबल क्लब इन्टर मिलानका माउरो आइकार्डी भने टिममा परेका छैनन् । अर्जेन्टिनाका प्रशिक्षकको रुपमा जोर्गे साम्पाओली रहेको अर्जेन्टिनामा म्यानचेस्टर सिटीका अग्युरोसँगै इंग्लिस प्रिमियर लिगमा खेल्ने ६ खेलाडी परेका छन् ।
अर्जेन्टिना आइसल्याण्डसहित समूह डी मा छ र यो समूहमा क्रोएसिया र नाइजेरिया पनि छन् ।
दक्षिण अमेरिकी क्षेत्रको छनौट चरण अन्तर्गत अन्तिम खेलमा मेस्सीको ह्याट्रिकमा इक्वेडरमाथि जित निकाल्दै अर्जेन्टिनाले विश्वकपमा स्थान पक्का गरेको हो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
