९ मंसिर २०८१, आईतवार
२०७७ भाद्र ८ गते, सोमबार १४:५० मा प्रकाशित
काठमाडौं । डिश मिडिया नेटवर्कको ‘डिशहोम क्रेडिट सर्भिस’मा अब १० दिनसम्म क्रेडिट सुविधा पाइने भएको छ । कम्पनीले आफ्ना ग्राहकहरुलाई उत्कृष्ट सेवा दिने क्रममा यो थप सेवा प्रदान गरिएको बताएको छ ।
यस अन्तर्गत डिसहोमले आफ्ना ग्राहकहरुलाई सदस्यता शुल्क समाप्त भइसकेपछि पनि ५ दिनसम्म थप म्याद दिँदै आएकोमा अब उक्त सेवाको म्याद थप गरि १० दिन पुर्याएको छ । यो सेवाका साथ ग्राहकहरुले एकपटक किनेको नियमित सेवाको अवधि समाप्त भएपछि थप १० दिनको क्रेडिट सेवा प्राप्त गर्न सक्नेछन् ।
यसरी नियमित सेवाको अवधि समाप्त भएपछि थप गरिएको क्रेडिट अवधि ग्राहकहरुले आफ्नो सेवा नवीकरण गर्दा सोही नवीकरण अवधिमा मिलान गरिनेछ । यो प्रक्रिया झन्झट रहित स्वचालित सेल्फ–सर्भिस मोडल प्रणालीमार्फत् संचालित हुने र यो सेवा सुविधा प्राप्त गर्नका लागि ग्राहकले कुनै प्रकारका अतिरिक्त व्ययभार व्यहोर्नु नपर्ने डिशहोमको भनाई छ ।
डिसहोम क्रेडिट सर्भिस खुलाउनको लागि मोबाइलको मेसेज बक्समा गई क्रेडिट कस्टोमरआईडी टाईप गरि उक्त मेसेजलाई ३२५०० मा पठाउनुपर्नेछ । १० दिनको क्रेडिट प्राप्त भएको जानकारी मोवाइलमा प्रप्त हुनेछ । साथै, मिस्ड कलबाट क्रेडिट सेवा लिन लिन ९८०१११२२३३ मा मिस्ड कल दिएर पनि थप १० दिनका लागि टिभी सिग्नल खुलाउन सकिन्छ ।
यो सर्भिस सुचारु गर्नुको उद्देश्य ग्राहकहरुलाई व्यवधान रहित सेवा उपलब्ध गराउनु रहेको डिशहोमको भनाई छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
