१० जेष्ठ २०८३, आईतवार
२०७७ भाद्र ११ गते, बिहीबार ०९:४४ मा प्रकाशित
काठमाडौँ। काठमाडौँ उपत्यकामा आजबाट निषेधज्ञा थप गरिएको छ ।काठमाडौ, भक्तपुर र ललितपुरका प्रमुख जिल्ला अधिकारीसहितको सुरक्षा समितिको वैठकले उपत्यकामा थप एक साता निषेधज्ञा लम्ब्याउने निर्णय गरेको हो । यसअघि जारी गरिएको निषेधज्ञा गएराित १२ बजेबाट सकिएकोछ । थपिएको अवाधि आगामी भदौ १७ गते राति १२ बजे सकिनेछ ।
उपत्यकामा कोरोना सङ्क्रमणको दर बढेकाले निषेधाज्ञा बढाइएको काठमाडौंका प्रमुख जिल्ला अधिकारी जनकराज दाहालले जानकारी दिए । निषेधज्ञा अवाधिमा अत्यावश्यक बाहेकका सेवा तथा व्यवसाय बन्द गरिएको छ । प्रमुख जिल्ला अधिकारीले जारी गरेको आदेशअनुसार सर्वसाधरणलाई औषधि र खाद्यवस्तु खरिदबाहेक घरबाट बाहिर निस्कन नपाइने उल्लेख छ ।
अत्यावश्यक बाहेकका सवारी साधन सञ्चालनमा रोक लगाइएको छ भने काठमाडौं जिल्लाभित्र प्रवेश गर्ने सवारी साधनमा पनि थप कडाइ गरिएको छ । काठमाडौ उपत्यकामा कोरोना संक्रमितको संख्या ३ हजार नाघिसकेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
