१० जेष्ठ २०८३, आईतवार
२०७७ भाद्र १६ गते, मंगलवार १७:५३ मा प्रकाशित
प्रमुख प्रतीपक्ष दल नेपाली कांग्रेसका नेता एवं कोभिड १९ को अनुगमन समितिका संयोजक डा. प्रकाशशरण महतले कोरोना संक्रमण नियन्त्रणमा सरकारले प्रतीपक्ष दल कांग्रेससंग सहकार्य नगरेको आरोप लागाएका छन् । उनले कोरोनाका नाममा सरकार लुटमा व्यस्त भएका कारण प्रतीपक्षी दलका कुरा नसुनेको दावी समेत गरेका छन् ।
‘लकडाउन खोल्ने र लगाउने बाहेक सरकारले अरु काम गर्न नसकेको,’भन्दै उनले नागरिकको जीवन कसरी चलेको छ ? सरकार बेखबर बनेको,’ आरोप डा. महतले लागाएका छन् । । डा. महातले- ‘विदेशमा रहेका नेपालीलाई निशुल्क नेपाल ल्याएर उनीहरुको पीसीआर पनि निशूल्क गर्न कांग्रेसले गरेको माग प्रति सरकार उदासिन बनेको,’ बताएका छन् ।
‘कोरोनालाई देखाएर सरकार यता पैसा कमाउन व्यस्त हुने उता नागरिकले ज्यान गुमाईरहने अवस्थालाई समय मै चिर्न कांग्रेससंगै जनता पनि विरोधमा उत्रनु पर्ने,’ डा.महतले बताएका छन् । ‘कोरोना संक्रमणका बारेमा अल्पकालीन र दीर्घकालीन योजना बनाउनका लागि कांग्रेसले प्रधानमन्त्री र मन्त्रीलाई पटकपटक भेट्न खोजे पनि भेट नदिएको गुनासो,’ समेत डा. महतले गरेका छन् ।
उनले – ‘सरकारले कोरोना संक्रमण रोक्नका लागि कुनै पनि विशेष कार्यक्रमहरु ल्याउन नसकेका कारण अवस्था भयाभह बन्दै आएको,’ बताएका छन् ।’शालीन प्रतीपक्षलाई नेकपाको ओली सरकारले नजर अन्दाज गर्दै गरेको हो , भने यसको ठूलो मूल्य चुकाउनु पर्ने चुनौती ,’डा.महतले दिएका छन् ।
डा. महतले भने – ‘कांग्रेस सरकारसंग मिलेर कोरोनाका नाममा भ्रष्टाचार गर्यो भन्नू पूर्ण गलत भएको,’ बताएका छन् । कांग्रेसले कोरोनाका बारेमा देशैभरि विभिन्न काम गरेको ,’दावी समेत डा. महतले गरेका छन् ।
‘प्रधानमन्त्रीले वेसारपानी खान र हाछ्यूँ गर्न सल्लाह दिएर मात्रै कोरोना संक्रमण नरोकिने भएका कारण योजनाका साथमा प्रतीपक्षसंग सहकार्य गरेर अगाडि बढ्न उनले सरकारलाई सल्लाह’, समेत दिएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
