हिन्दु धर्मावलम्बीहरूको महानपर्व बडा दसैं सुरु, घरघरमा घटस्थापनागरी जमरा राखिँदै

होमल्याण्ड खबर

२०७७ कार्तिक १ गते, शनिबार ०६:४४ मा प्रकाशित

हिन्दु धर्मालम्बीहरूकाे महानपर्व बडा दसैं अा(शनिबार) देखि सुरु भएको छ । आश्विन शुक्ल पक्ष प्रतिपदाका दिन आज शनिबार बिहान घरघरमा जौ, मकै, गहुँ आदिको जमरा राखी घटस्थापना गरिन्छ ।
आश्विन शुक्ल प्रतिपदादेखि पूर्णिमासम्म चल्ने यो नेपालीको महान पर्व दसैंलाई असत्यमाथि सत्यको विजयका रूपमा लिने गरिन्छ ।घटस्थापनाको दिन पूजा कोठा, दसैंघर अथवा कोतमा दीयो कलश र गणेश थापी नवदुर्गाको स्थापना गर्ने चलन छ । आइतबार घटस्थापनाका दिन पूजा कोठामा घंैटो अथवा घडामा जलभरी माथिपट्टि आँप चाप वा वर पीपलको पात राख्ने परम्परा छ । यो घडा वरिपरि गाईको गोबर टाँसेर त्यहाँ जौ उमार्ने चलन छ ।

कलशको स्थापना गरी नदी, खोला, बगर वा आफूलाई पायक पर्ने ठाउँबाट ल्याइएको चोखो बालुवा वा माटोमा जौ छरिन्छ । ‘बिहानै उठेर नुहाई धुवाई गरी चोखो भएर पूजा कोठामा बालुवा अथवा चोखो माटो राखी जौ र मकैको बीउ उमार्ने गरिन्छ ।
नवदुर्गा भवानीको १० दिनसम्म पूजा गर्ने गरिन्छ । जौलाई वैदिक यज्ञका लागि अत्यावश्यक वस्तु मानिन्छ । माता भगवतीलाई मन पर्ने वनस्पतिमा जमरा पनि एक भएकाले भगवतीलाई खुसी पार्नका लागि जमरा उमार्ने गरिएको शास्त्रमा उल्लेख छ ।यसरी उमारिएको जमरा विजयादशमीका दिन देवीको प्रसादका रूपमा लगाउने गरिन्छ । विभिन्न नौ देवीको पूजा अर्चनापश्चात् दशमीका दिन त्यहाँबाट जमरा निकालिन्छ भने पूर्ण कलशको जलको अभिशेक पनि लिने चलन छ ।

यसरी लिइएको जलले आयु बढ्ने र राम्रो स्वास्थ्य हुने जनविश्वास छ । नौ दिनसम्म महाकाली, महादुर्गा र महाभवानीको आराधना र पूजाअर्चना गरी विजया दशमीका दिन टीका र जमराको प्रसाद ठूलाबडा र पुरोहितबाट ग्रहण गरिन्छ । दसंैको पहिलो दिन अर्थात् घटस्थापनाका दिन शैलपुत्री देवीको पूजा गरिन्छ । शैलपुत्रीलाई हिमालय पर्वतकी पुत्री पार्वतीको रूपमा लिने गरिएको छ ।

सम्बन्धित खबर

निषेधित क्षेत्र तोड्न दिँदैनौं – एआईजी तामाङ

शिक्षक महासंघद्वारा संस्थागत विद्यालयसमेत बन्द गरी आन्दोलनमा आउन आग्रह

धवलशमशेरलाई रिहा गर्ने तयारी

शिक्षक महासंघका प्रतिनिधिले प्रधानमन्त्री ओलीलाई साँझ भेट्दै

सरकार परिवर्तनबारे प्रधानमन्त्रीको जवाफ– ‘नलाग पछि हल्लैको’

संविधान रक्षाका लागि तयार बस्न सुरक्षा निकायलाई गृहमन्त्रीको निर्देशन