१० अर्ब ठगीको आरोपमा लागेका सुधिर बस्नेत जेलबाट छुटे

होमल्याण्ड खबर

२०७५ जेष्ठ २२ गते, मंगलवार ०८:३६ मा प्रकाशित

१० अर्ब ठगीको आरोपमा लागेका सुधिर बस्नेत जेलबाट छुटेका छन् ।
उनी सोमबार नै छुटेका हुन् । डिल्लीबजार सदरखोरले बस्नेत छुटेको पुष्टि मंगलबार मात्र गरेको छ ।
ओरेन्टल सहकारी, कोहिनूर हिल (हाउजिङ) आयुसा बिल्डर्सलगायत आठ कम्पनी तथा संस्थाका सञ्चालक बस्नेत १३ पुस २०७३ मा पक्राउ परेका थिए ।
सहकारीको निक्षेप ठगी अभियोगमा काठमाडौं र भक्तपुर जिल्ला अदालतले बस्नेतलाई जेल सजाय सुनाएको थिए । ठगी मुद्दामा जिल्ला अदालत काठमाडौंले २ वर्ष कैद र ५ करोड ९१ लाख ९७ हजार जरिवाना तथा ठगीकै अर्को मुद्दामा ६ महिना कैद र ४ लाख ९४ हजार जरिवानाको फैसला सुनाएको थियो ।
भक्तपुरले पनि २ वर्ष कैद र ८४ हजार ६ सय ४८ रुपैयाँ जरिवाना असुल हुने फैसला सुनाएको थियो । जेल सजाय काटेपछि बस्नेत जरिवाना तिरेर छुटेका हुन् ।

सम्बन्धित खबर

चीन भ्रमणमा ऋणसम्बन्धी कुनै सम्झौता गर्दैनौँ : प्रधानमन्त्री

मन्त्रिपरिषद् बैठक बस्दै

महानगरले इमेल र हुलाकबाट पठायो एमालेलाई जरिवाना पत्र

प्रधानमन्त्री ओलीद्वारा चीन भ्रमणबारे पूर्वप्रधानमन्त्रीहरूसँग परामर्श सुरु

भन्सार दर घटेपछि तोलामै १५ हजार ९ सय घट्यो सुन

धरहरा परिसरबाट एनपीएलको ट्रफी अनावरण