८ जेष्ठ २०८३, शुक्रबार
२०७७ पुष २ गते, बिहीबार १४:४२ मा प्रकाशित
काठमाडाैं: कोरोना संक्रमणका कारण सरकारले सार्वजनिक यातायातमा लगाएकाे जोर बिजोर प्रणाली भाेलिबाट हट्ने भएकाे छ ।
सार्वजनिक यातायातमाथिको जोर बिजोर प्रणाली यातायात व्यवसायी र यातायात मजदुरहरूले पुस ३ गतेदेखि एकतर्फी रूपमा हटाउने घोषणा गरेका हुन् ।
चैत ११ गतेदेखि लगाइएको बन्दाबन्दी,भदौ ३ गतेदेखिको निषेधाज्ञा र असोज १ गतेदेखिको जोर बिजोर प्रणालीले यातायात व्यवसाय धराशायी भएकोले उक्त निर्णय गरिएको बताइएको छ ।
नेपाल यातायात व्यवसायी राष्ट्रिय महासंघ,नेपाल यातायात मजदुर संघ, अखिल नेपाल यातायात मजदुर संघ र नेपाल यातायात स्वतन्त्र मजदुर संगठनले संयुक्त रूपमा जारी गरेको विज्ञप्तिमा यसअघि सबै सवारी साधन सञ्चालनको वातावरण बनाउन सरकारलाई अनुरोध गरिए पनि सुनुवाई नभएको उल्लेख छ ।
उनीहरूले मंसिर १८ गते सीसीएमसी र डीसीसीएमसी कार्यालयलाई ध्यानाकर्षण गराउँदै लेखिएको पत्रको समेत कुनै सुनुवाई नभएको भन्दै भोलिदेखि सार्वजनिक यातायात पूर्ण रूपमा सञ्चालन गर्ने एकतर्फी निर्णय गरेको बताएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
