नागढुंगा–सिस्नेखोला सुरुङमार्ग खन्न थालेबित्तिकै स्थानीयको अवरोध

होमल्याण्ड खबर

२०७७ पुष २० गते, सोमबार १७:०३ मा प्रकाशित

जापान सरकारले सहुलियत ऋणमा बनाइदिन लागेको नागढुंगा–सिस्नेखोला सुरुङमार्गको सरुङ खन्न सुरु गरेलगत्तै स्थानीयले अवरोध गरेका छन् । आयोजनाले सुरुङ खन्न थालेको समाचार बाहिरिएलगत्तै काठमाडौंतर्फका स्थानीय बासिन्दाले विभिन्न माग राखी अवरोध सिर्जना गरेका हुन् ।

चन्द्रागिरि नगरपालिका–२ का वडाध्यक्ष गोपी सुर्खेतीको नेतृत्वमा गएको टोलीले आइतबार आयोजनालाई आफ्ना मागहरुसहितको ज्ञापन बुझाउनुका साथै काम अघि नबढाउन चेतावनी दिएको छ । आयोजनाले भने स्थानीयको सबै माग आफूहरुले सम्बोधन गर्न नसक्ने जवाफ दिएको छ ।

स्थानीयको अवरोधका कारण आयोजना अन्योलमा परेको छ । स्थानीयले आफ्ना माग सम्बोधन गर्न दुई दिनको अल्टिमेटम पनि दिएको छ । उनीहरुले सुरुङमाथि आफूहरुको जमिन पर्ने भएकाले उचित क्षतिपूर्ति पाउनुपर्ने दाबी गरेका छन् । साथै, स्थानीयले आफूहरुलाई खानेपानीको व्यवस्था गरिनुपर्ने, कृषिको लागि सिंचाईको वैकल्पिक व्यवस्था गर्नुपर्नेलगायतका मागहरु राखिएका छन् ।

काठमाडौं प्रवेश गर्ने र बाहिरिने यात्रुहरुले नागढुँगा–नौबिसे खण्डमा निकै सास्ती भोग्दै आएको बेला बन्न लागेको सुरुङमार्गले केही राहत पुग्ने आशा लिइएको छ ।

सम्बन्धित खबर

कांग्रेस कोषाध्यक्षमा उमेश श्रेष्ठ मनोनीत

रविमाथि अनुसन्धान गर्न १५ दिन म्याद थप

प्रतिनिधिसभाका सचिव अधिकारीले ५ महिना नपुग्दै दिए राजीनामा

सभामुख घिमिरेद्वारा कम्बोडियन समकक्षीसँग भेट

सिनामंगलको होटलमा युवायुवती झुण्डिएको अवस्थामा मृत भेटिए

सुनको भाउ बढ्यो, तोलाको कति ?