८ मंसिर २०८१, शनिबार
२०७५ असार १० गते, आईतवार ०६:३७ मा प्रकाशित
रसियामा जारी विश्वकप फुटबलअन्तर्गत समूह ‘जि’ मा आज इंग्ल्यान्ड र पानामाबीच प्रतिस्पर्धा हुँदैछ । आजको खेलमा जित निकाल्दै विश्वकपको नकआउट चरणमा पुग्ने लक्ष्यमा इंग्ल्यान्ड रहेको छ ।
रसियाको नोभोर्गोडो रंगशालामा इंग्ल्यान्ड र पानामाबीचको खेल नेपाली समयअनुसार आज बेलुकीको ५ बजेर ४५ मिनेटमा हुनेछ । इंग्ल्यान्डले आफ्नो समूह चरणको पहिलो खेलमा ट्युनिसियालाई २—१ गोल अन्तरले पराजित गरेको थियो । त्यस्तै, पानामाले समूह चरणको पहिलो खेलमा बेल्जियमसँग ३—० गोल अन्तरको हार ब्यहोरेको थियो ।
इंग्ल्यान्डले आजको खेलमा पानामालाई पराजित गरेमा नकआउट चरणमा पुग्नेछ भने पानामासँग इंग्ल्यान्ड पराजित भएमा नकआउट चरणमा प्रवेश गर्न समूह चरणको अन्तिम खेल जित्नैपर्ने हुन्छ । यसअघिको खेलमा इंग्ल्यान्डका कप्तान ह्यारी केनले दुई गोल गरेका थिए ।
पानामा विश्वकपमा डेब्यु टिम हो भने इंग्ल्यान्डसँग पहिलो पटक भेट्दैछ । यसअघि यी दुई टिमबीच प्रतिस्पर्धा भएको छैन् । आजको खेलमा इंग्ल्यान्ड जित्नैपर्ने दबाब रहेको छ भने पानामा इंग्ल्यान्डलाई रोक्ने रणनीतिमा रहेको छ । एजेन्सी
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
