७ जेष्ठ २०८३, बिहीबार
२०७७ चैत्र ३ गते, मंगलवार १५:०१ मा प्रकाशित
नेकपा माओवादी केन्द्रले पार्टी अध्यक्ष पुष्पकमल दाहाल प्रचण्डलाई संसदीय दलको नेतामा चयन गरेको छ ।
आज बसेको संसदीय दलको बैठकले संसदीय दलको नेतामा प्रचण्डलाई चयन गरेको नेता वर्षमान पुनले जानकारी दिए ।
यस्तै प्रमुख सचेतकमा देव गुरुङ र राष्ट्रिय सभा संसदीय दलको दलको नेतामा दिनानाथ शर्मालाई चयन गरेको छ ।
यसअघि नेकपा एमाले र माओवादी केन्द्रबीच एकता भएर बनेको पार्टी नेकपामा संसदीय दलको नेता केपी शर्मा ओली र प्रमुख सचेतक देव गुरुङ थिए ।
प्रतिनिधिसमा विघटनपछि एक भएका प्रचण्ड–नेपाल समूहले प्रधानमन्त्री समेत रहेका ओलीलाई हटाएर प्रचण्डलाई संसदीय दलको नेता चयन गरेको थियो ।
सर्वोच्चको फैसलापछि एमाले र माओवादी केन्द्र ब्युँतिएपछि माओवादी केन्द्रले आज आफ्नो संसदीय दलको पदाधिकारी चयन गरेको हो।
माओवादी केन्द्रले अब संसदीय दलको उपनेता र सचेतक चयन गर्न बाँकी छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
