७ जेष्ठ २०८३, बिहीबार
२०७७ चैत्र ८ गते, आईतवार १२:२३ मा प्रकाशित
काठमाडौंको कलङ्कीमा ढुङ्गा हानेर एक पुरुषको हत्या भएको छ । आज बिहान अन्दाजी ५५ वर्षीय चौधरी थरका पुरुषको हत्या भएको प्रहरीले जानकारी दिएको छ।
प्रहरीले चौधरीको हत्या आरोपमा सिन्धुली सुनकोसी गाउँपालिका घर भएका २१ वर्षीय दिनेश थापालाई पक्राउ गरेको छ ।
महानगरीय प्रहरी परिसर काठमाडौं, महानगरीय अपराध महाशाखा र महानगरीय प्रहरी वृत्तको टोलीले अभियुक्त थापालाई आज बिहान १० बजे कलङ्कीको ढुङ्गे अड्डाबाट पक्राउ गरेको हो।
पक्राउ परेका थापाले सडकमा सुतिरहेका चौधरीलाई ढुङ्गाले हानेर हत्या गरेको स्वीकार गरेको प्रहरीले जनाएको छ ।
ढुङ्गा लागेर घाइते भएपछि चौधरीलाई सहिद अस्पताल भर्ना गरिएको थियो। टाउकामा चोट लागेको चौधरीको उपचारकै क्रममा मृत्यु भएको हो । मृतको अन्य विषयमा भने सनाखत हुन सकेको छैन।
घटनाको थप अनुसन्धान भइरहेको प्रहरीले जानकारी दिएको छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
