राष्ट्रपतिद्वारा मेलम्चीको पानी वितरणको औपचारिक शुभारम्भ

होमल्याण्ड खबर

२०७७ चैत्र २० गते, शुक्रबार १५:२२ मा प्रकाशित

 राष्ट्रपति विद्यादेवी भण्डारीले मेलम्चीको पानी वितरणको औपचारिक शुभारम्भ गरेकी छन् । आज भृकुटीमण्डपमा आयोजित एक कार्यक्रमकाबीच राष्ट्रपति भण्डारीले नवनिर्मित ढुंगेधाराबाट पानी खसालेर मेलम्चीको पानी वितरणको उदघाटन गरेकी हुन् । कार्यक्रममा प्रधानमन्त्री केपी शर्मा ओली पनि सहभागी भएका थिए ।

भृकुटीमण्डपमा बनाइएको सार्वजनिक धारोमा २४ घण्टा पानी आउने व्यवस्था गरिएको आयोजनाका प्रमुख तिरेश खत्रीले बताए । सिन्धुपाल्चोकको मेलम्ची खोलाको पानी यही चैत १५ गतेदेखि परीक्षणका रुपमा काठमाडौं उपत्यकामा वितरण गर्न थालिएको थियो ।

हाल काठमाडौं उपत्यकाका १५ हजार घरधुरीमा परीक्षणका रुपमा पानी वितरण गरिएको मेलम्ची खानेपानी आयोजना विकास समितिका प्रमुख तिरेशप्रसाद खत्रीले जानकारी दिए । उनका अनुसार मेलम्चीको पानी काठमाडौं उपत्यकाको चक्रपथभित्र वितरण हुनेछ ।

सम्बन्धित खबर

सिनामंगलको होटलमा युवायुवती झुण्डिएको अवस्थामा मृत भेटिए

रवि लामिछानेलाई अदालत उपस्थित गराइयो

कमजोरी सच्याउन एमाले तयार छ : शङ्कर पोखरेल

भद्रकालीबाट सुुरु भयो एमालेको र्‍याली

सुदूरपश्चिममा लगानी गर्नुहोस्, हामी पूर्वाधारको व्यवस्था गरिदिन्छौं : मुख्यमन्त्री शाह

छ सय ग्राहकको विद्युत्को लाइन काटिँदै