१० मंसिर २०८१, सोमबार
२०७७ चैत्र २२ गते, आईतवार १०:२६ मा प्रकाशित
जर्मन बुन्डेसलिगा फुटबलमा फ्रान्कफर्टले बोरुसिया डर्टमण्डलाई पराजित गरेको छ । शनिबार राति भएको खेलमा फ्रान्कफर्टले डर्टमण्डलाई २–१ गोलले हराएको हो ।
फ्रान्कफर्टका लागि आन्द्रे लिल्भाले एक गोल गरेका थिए । अर्को एक गोल डर्टमण्डबाट आत्मघाती उपहारस्वरुप प्राप्त भएको थियो । यस्तै डर्टमण्डका लागि म्याट हुमेल्सले एक गोल गरेका थिए ।
खेलको ११औँ मिनेटमा डर्टमण्डका निकोले गरेको आत्मघाती गोलमार्फत फ्रान्कफर्टले सुरुवाती अग्रता बनाएको थियो । तर ४५औँ मिनेटमा डर्टमण्डका हुमेल्सले गोल गर्दै खेललाई १–१ गोलको बराबरीमा ल्याए ।
त्यसपछि खेलको ८७औँ मिनेटमा सिल्भाले गरेको गोलसँगै फ्रान्कफर्ट २–१ गोलले विजयी भयो । यो जितसँगै फ्रान्कफर्ट २७ खेलबाट ५० अंकका साथ लिगको चौथो स्थानमा उक्लिएको छ । ४३ अंक भएको डर्टमण्ड पाँचौं स्थानमा छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
