७ जेष्ठ २०८३, बिहीबार
२०७८ बैशाख २ गते, बिहीबार १६:४९ मा प्रकाशित
आजबाट आफैँले इन्टरनेटबाटै घरजग्गाको नक्सा हेर्न र प्रिन्ट गर्न मिल्ने भएको । प्रधानमन्त्री केपी शर्मा ओलीले आज नापी विभागमा आयोजित औपचारिक समारोहबाट घरमै बसेर जग्गाको नक्सा प्रिन्ट, राजश्व भुक्तानीलगायतका व्यवस्थासहितको ‘मेरो कित्ता’ अनलाइन सेवाको शुभारम्भ गरेका छन् ।
यो व्यवस्था कार्यान्वयनमा आएसँगै अब आफ्नो घर जग्गाको नक्सा प्रिन्ट गर्न र त्यसवाफतको शुल्कबुझाउन कार्यालय धाइरहनु नपर्ने विभागले जनाएको छ । ‘मेरो कित्ता डट जिओभी डट एनपी’ लगइन गरेर आफैँले शुल्कबुझाउन सकिने विभागले जनाएको छ ।
यो सेवा काठमाडौं उपत्यकाका डिल्लीबजार, कलंकी र भक्तपुरको कार्यालयमा आजै बाट लागु भएको छ । एक हप्ताभित्र काठमाडौं उपत्यकाभरी र त्यसपछि क्रमशः देशैभरका १२६ वटा नापी कार्यालयबाट यो सेवा लिन सकिने विभागले जनाएको छ ।
मेरो कित्ता सेवा सुरु भएपछि नापी कार्यालयमा हुने भिडभाड र होहल्ला कम हुनुका साथै सेवाग्राहीलाई सुविधा हुने विभागका अधिकारीहरू बताउँछन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
