७ जेष्ठ २०८३, बिहीबार
२०७८ बैशाख ९ गते, बिहीबार ०७:५३ मा प्रकाशित
काठमाडौँ उपत्यकासहित मुलुकका विभिन्न स्थानमा वर्षा भएको छ । मौसम पूर्वानुमान महाशाखाका अनुसार आज विहानैदेखि प्रदेश १, २, बागमती र गण्डकी प्रदेशका विभिन्न भागमा पानी परेको छ । पानी परेसँगै काठमाडौँ उपत्यकामा चिसो महसुस गरिएको छ ।
मौसमविद् प्रतिभा मानन्धरका अनुसार वर्षा गराउने मौसम प्रणाली भारतको दक्षिणी क्षेत्र हुँदै वाग्मती प्रदेशमा आइपुगेकाले वर्षा भएको हो ।
यो प्रणाली गण्डकी प्रदेश हुँदै अन्यत्र पनि विस्तार हुने उनको भनाइ छ । उनले प्रिमनसुनको समय भएकाले हावाहुरी र चट्याङको अत्यधिक सम्भावना रहेकाले सतर्क र सुरक्षित रहन आग्रह गरेकी छन् ।
महाशाखाका अनुसार आज दिउँसो पनि देशभर आँशिकदेखि सामान्य बदली रही सुदूरपश्चिम प्रदेश, कर्णाली प्रदेश, गण्डकी प्रदेश र वाग्मती प्रदेशका केही स्थानहरु तथा अन्य प्रदेशका पहाडी भू–भागका थोरै स्थानमा मेघगर्जन÷चट्टयाङ्ग÷हावाहुरीसहित क्षणिक÷हल्का वर्षाको सम्भावना रहेको छ । देशका केही स्थानहरुमा तुवाँलोको सम्भावना पनि छ ।
आज दिनभर पानी पर्ने र बादल लाग्ने क्रम चलिरहने तर घाम भने नलाग्ने मौसमविद् मानन्धरको भनाइ छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
