८ मंसिर २०८१, शनिबार
२०७४ कार्तिक १६ गते, बिहीबार ०५:४३ मा प्रकाशित
पेट्रो
लियम पदार्थको मूल्य बढाउने आयल निगमको निर्णय फिर्ता भएको छ। बुधबार राति १२ बजेदेखि लागू हुनेगरी पेट्रोल, डिजेल र खाना पकाउने ग्यासमा मूल्य बढाएको निगमले आजदेखि पुरानै मूल्य कायम राख्ने निर्णय गरेको हो।
निर्वाचनको मुखमा पेट्रोलियम पदार्थमा बढाएको मूल्य फिर्ता लिन प्रधानमन्त्री शेरबहादुर देउवाले निर्देशन दिएपछि आज बिहान बसेको निगम सञ्चालक समितिको बैठकले दश बजेदेखि लागू हुनेगरी बढेको मूल्य फिर्ता लिइ पुरानै मूल्यमा कारोबार गर्ने निर्णय गरेको प्रवक्ता वीरेन्द्र गोइतले जानकारी दिए।
भारतीय आयल कर्पोरेशनबाट प्राप्त नयाँ मूल्यअनुसार मूल्य समायोजन गर्दै आएको निगमले पेट्रोलमा २, डिजेल र मट्टितेलमा १ रुपैयाँ ५० पैसा र खाना पकाउने ग्यासको सिलिन्डरमा २५ रुपैयाँले मूल्य बढाएको थियो।
अब फेरि खाना पकाउने ग्यासको मूल्य एक सिलिन्डरको १३ सय २५, पेट्रोल लिटरको ९८, डिजेल र मट्टितेलको मूल्य ७४ रुपैयाँमा उपभोक्ताले किन्न पाउने छन्।
गाेइतका अनुसार समायाेजन गरिएकाे मूल्य कायम नभएपछि निगमलार्इ महिनामा २२ कराेड रुपैयाँ घाटा हुने भएकाे छ।
भारतबाट मूल्य बढेर अाएकाेले अब निगमलार्इ पेट्राेलमा ३ रुपैयाँ ३७ पैसा र मट्टितेलमा लिटरमा १६ रूपैयाँ घाटा हुने छ। त्यस्तै डिजेल लिटरमा २ रुपैयाँ र एलपीजीकाे सिलिन्डरमा २ सय ३७ रुपैयाँ ६७ पैसा घाटा हुनेछ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
