६ जेष्ठ २०८३, बुधबार
२०७८ बैशाख २२ गते, बुधबार ११:०७ मा प्रकाशित
नर्भिक इन्टरनेशनल हस्पिटल ‘कोभिड अस्पताल’को रूपमा रूपान्तरण भएको छ ।
वर्तमान समयको आवश्यकतालाई दृष्टिगत गर्दै नर्भिकले आफूलाई ‘कोभिड अस्पताल’को रूपमा रूपान्तरण गरेको हो । केही दिन अघिदेखि नै अस्पतालले यससम्बन्धी सेवा दिन शुरू गरिसकेको थियो ।
नर्भिक अस्पतालका कार्यकारी निर्देशक राजेन्द्रबहादुर सिंहले नर्भिकले आफ्नो सेवालाई कोभिड केन्द्रित गरेको र त्यसलाई थप परिस्कृत गर्दै लगिएको बताए । उनले बिरामीहरूको अनुरोधलाई दृष्टिगत गरी नर्भिकले आफूलाई कोभिड अस्पतालमा रूपान्तरण गरेको प्रष्ट पारेका छन् ।
प्रधानमन्त्री केपी शर्मा ओलीले सबै ठूला अस्पताललाई कोभिड अस्पतालको रूपमा रूपान्तरणका लागि गरेको घोषणाको सिंहले स्वागत समेत गरेका छन् । नर्भिकले कोभिड संक्रमणको दोश्रो लहर सुरु भएसँगै यो अवस्थाको आँकलन गरी अस्पताललाई कोभिड अस्पतालमा रूपान्तरण गरिसकेको उनले बताए ।
‘सरकारले समेत सोही अनुसारको घोषणा गरेकोमा हामी खुशी छौं । अब अरुले पनि आफ्नो सेवालाई कोभिड केन्द्रित गर्नुपर्ने देखिएको छ,’ उनले भने । कार्यकारी निर्देशक सिंहकाअनुसार हाल नर्भिक अस्पतालमा उपलब्ध १३५ वटा शैय्यामध्ये ९० वटा शैय्या कोभिड शैय्याको रूपमा रूपान्तरित भइसकेका छन् । ती ९० वटा शैय्या कोभिडका बिरामीले भरिइसकेका छन् ।
नर्भिकमा रहेका ३५ वटा आइसीयू बेडमा पनि कोभिडकै सिकिस्त बिरामीलाई राखिएको छ । ‘हाम्रो अस्पतालमा उपलब्ध बेडहरू अहिले भरिभराउ छन्,’ कार्यकारी निर्देशक सिंहले भने, ‘हामीले सरकारको नीति निर्देशनभित्र रहेर बेड संख्या थप गर्ने विषयमा समेत गृहकार्य गरिरहेका छौं ।’
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
