१० मंसिर २०८१, सोमबार
२०७८ असार १८ गते, शुक्रबार ११:०५ मा प्रकाशित
युरोकप फुटबलका क्वाटरफाइलन खेलहरु आजबाट सुरु हुँदैछन् । १६औँ संस्करणको युरोकप अन्तर्गत आज क्वाटरफाइनलका दुईवटा खेल हुँदैछन् ।
आज हुने पहिलो खेलमा स्विट्जरल्याण्ड र स्पेन भिड्ने छन् भने दोस्रो खेलमा बेल्जियम र इटालीबीच प्रतिस्पर्धा हुने छ । स्विट्जरल्यान्ड र स्पेनबीचको खेल नेपाली समयअनुसार राति पौने १० बजे रुसको सेन्ट पिटर्सवर्गमा हुनेछ ।
दुवै टोली आजको खेल जित्दै सेमिफाइनलको यात्रा तय गर्ने लक्ष्यका साथ मैदानमा उत्रने छन् । स्विट्जरल्यान्ड र स्पेनबीच युरोपियन च्याम्पियनसिपमा पहिलो पटक प्रतिस्पर्धा हुन लागेको हो ।
विश्वकपमा भने दुई टिमबीच तीन पटक भेट भएको छ । जसमा स्पेनले दुई जित निकाल्दा एक जित स्विट्जरल्यान्डको पक्षमा गएको छ । यस्तै बेल्जियम र इटालीबीचको क्वाटरफाइनल नेपाली समयअनुसा राति पौने १ बजे खेल जर्मनीको एलिनाज स्टेडियममा हुनेछ ।
उपाधि दाबेदार बेल्जियम र इटाली दुबै टिम जित निकाल्दै सेमिफाइनलमा पुग्ने योजनामा रहेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
