कक्षा १२ को परीक्षा साउन अन्तिम साता गर्न प्रस्ताव

होमल्याण्ड खबर

२०७८ असार २० गते, आईतवार १३:०९ मा प्रकाशित

राष्ट्रिय परीक्षा बोर्डले कक्षा १२ को वार्षिक परीक्षा साउन अन्तिम साताबाट सञ्चालन गर्ने प्रस्ताव गर्दै सरकारसँग अनुमति मागेको छ ।  भौतिक रूपमा नै परीक्षा सञ्चालन गर्ने भन्दै बोर्डले परीक्षाका लागि अनुमति मागिएको जनाएको छ ।

बोर्डका अध्यक्ष प्रा. चन्द्रमणि पौडेलले परीक्षा सञ्चालनका लागि सरकारले अनुमति दिएलगत्तै आफूहरूले परीक्षाको प्रक्रिया अगाडि बढाउने जानकारी दिए ।

यसैबीच, कक्षा १२ का विद्यार्थीको राष्ट्रिय परीक्षा होम सेन्टरबाटै हुने सम्भावना बढेको छ । कोरोना भाइरसको संक्रमण केही कम भए पनि पूरै नघटेकाले अर्को विद्यालयमा परीक्षा दिन जान सक्ने अवस्था भने नरहेको अधिकारीहरूले बताएका छन् ।

परीक्षा कहिलेबाट सञ्चालन गर्ने भन्ने निधो भएसँगै होम सेन्टरका बारेमा निर्णय हुनेछ । परीक्षा तीन घण्टा अवधिको हुने वा के हुने भन्ने निर्णय पनि एकैसाथ हुने जनाइएको छ । बोर्डले गत वर्ष कक्षा १२ मा अध्ययनरत विद्यार्थीको परीक्षा ४० अंकको डेढ घण्टा लिएको थियो ।

यसअघि जेठ २६ गतेबाट हुने गरी तय भएको कक्षा १२ को परीक्षा कोरोना संक्रमण बढेपछि स्थगित गरिएको थियो ।

सम्बन्धित खबर

कांग्रेस नीति प्रतिष्ठानद्वारा १२ उपसमिति गठन

आर्थिक समृद्धिका लागि नवप्रवर्तनलाई प्राथमिकतामा राख्न सरकारसँग महावीर पुनको माग

आईसीसी लिग २: स्कटल्यान्डलाई हराउँदै नेपाल पाँचौ स्थानमा उक्लियो

पूर्वगृहमन्त्री सुधन गुरुङमाथि तत्काल निष्पक्ष छानबिन गर्न सांसद शाहको माग

आज सुनको मुल्य बढ्दा चाँदीको घट्यो

एकदिवसीय खेलमा सन्दीपको नयाँ कीर्तिमान, ७३ खेलमा लिए १५० विकेट