निपाह भाइरस : अस्पताल र स्वास्थ्य संस्थालाई तयारी अवस्थामा बस्न मन्त्रालयको निर्देशन

होमल्याण्ड खबर

२०७८ भाद्र ३० गते, बुधबार १५:०५ मा प्रकाशित

स्वास्थ्य तथा जनसंख्या मन्त्रालयले देशभरका १ सय १८ अस्पताल र स्वास्थ्य संस्थाहरूलाई निपाह भाइरसको परीक्षणका लागि तयारी अवस्थामा बस्न निर्देशन दिएको छ । भारतको केरलामा देखिएको निपाह भाइरस नेपालमा पनि फैलने जोखिम भएको भन्दै मन्त्रालयले परीक्षणको लागि अस्पताल र स्वास्थ्य संस्थाहरूलाई तयारी अवस्थामा बस्न निर्देशन दिएको हो ।

मन्त्रालयका प्रवक्ता डा. कृष्णप्रसाद पौडेलले चमेराबाट सर्ने यस रोग प्राणघातक रोग मानिसबाट मानिसमा पनि सर्ने जोखिम रहेकाले सबै सचेत हुनेपर्ने बताएका छन् । शरीरको तरल पदार्थबाट एक व्यक्तिबाट अर्को व्यक्तिमा सर्ने भएकाले सर्तकता अपनाउनुपर्नेमा जोड दिए ।

रगतबाट परीक्षण गरिने यस भाइरस परीक्षण गर्ने किट सबै तिर नभएको प्रवक्ता पौडेलको भनाइ छ । भारतसँग सीमा जोडिएका कारण र संक्रमण फैलाउने चमेरा नेपालमा पनि पाइने भएकाले थप सचेत हुन पनि उनले आग्रह गरे ।
पशुपंक्षीको सम्पर्ककमा धेरै रहने व्यक्तिहरू यसको जोखिमबाट जोगिन बढि सचेत हुनुपर्नेमा डा. पौडेलले जोड दिए । चराले टोकेका वा घाउ लागेका फलफूलहरू नखान र मासुजन्य पदार्थहरू राम्रोसँग पकाएर मात्र खान उहाँले सर्वसाधारणलाई आग्रह गरे ।

सम्बन्धित खबर

सबैलाई समेटेर लैजान्छौँ : सभापति गगन थापा

बुटवलमा भूमिहीनको प्रदर्शन

स्वास्थ्य शिक्षा सामग्री अब हुलाकमार्फत देशभर पठाइने

४० लाख मूल्य बराबरको अवैध समानसहित दुई पक्राउ

कोहलपुरमा अतिक्रमण गरिएका सात सय घरटहरा हटाइए

मत्स्यनारायणमा भक्तजनको घुइँचो