१० मंसिर २०८१, सोमबार
२०७८ आश्विन ६ गते, बुधबार १३:२९ मा प्रकाशित
इन्डियन प्रिमियर लिग (आईपीएल) टी–ट्वान्टी क्रिकेटमा आज सनराइजर्स हैदरावादले दिल्ली क्यापिटल्सको सामना गर्दै छ ।
दुबई अन्तर्राष्ट्रिय क्रिकेट मैदानमा हुने हैदरावाद र दिल्लीबीचको खेल नेपाली समय अनुसार साँझ ७ः४५ बाट सुरु हुने छ । आजको खेलमा दुबै टोली जित निकाल्ने योजनामा छन् । दिल्ली आजको खेलमा जित निकाल्दै अंक तालिकाको शीर्ष स्थानमा उक्लने योजनामा हुने छ ।
आजको खेलमा जित निकालेमा दिल्लीलाई अघिल्लो चरण प्रवेशका लागि सहज हुनेछ । दिल्ली ८ खेलबाट १२ अंक जोडेर तालिकाको दोस्रो स्थानमा छ । शीर्ष स्थानमा रहेको चेन्नइको पनि १२ अंक छ । यता हैदरावाद पनि आजको खेलमा जित निकाल्दै अघिल्लो चरण प्रवेशको सम्भावना टिकाइ राख्ने योजनामा छ ।
७ खेल खेलेको हैदरावाद २ अंक जोडेर तालिकाको पुछारमा छ । आजको खेलमा पनि हैदरावाद पराजित भएमा अघिल्लो चरण प्रवेशको सम्भावना कमजोर बन्ने छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
