जितसंगै इमरान खानले भनेः चीन, इरान र साउदी अरेबिया पाकिस्तानको वास्तविक मित्रराष्ट्र

होमल्याण्ड खबर

२०७५ श्रावण ११ गते, शुक्रबार ०८:०४ मा प्रकाशित

पाकिस्तानको निर्वाचनमा जित हासिल गरेसँगै इमरान खानले पाकिस्तानको लागि चीन, इरान र साउदी अरेबिया वास्तविक मित्रराष्ट्र रहेको बताएका छन् ।
यससँगै पाकिस्तानमा नयाँ सरकार आएपछि चीनको प्रभाव पाकिस्तानमा थप विस्तार हुनसक्ने देखिएको हो । उनले पत्रकार सम्मेलनमा आफ्नो सरकार चीन, इरान र साउदी अरबसँगको सम्बन्ध बलियो बनाउने दिशामा अघि बढ्ने स्पष्ट पारेका छन् ।
जितपछि आफ्नो विदेशनीतिको विषयमा बोल्दै उनले अमेरिकासँगको सम्बन्धमा सुधार गर्नु भने आफ्नो प्राथमिकतामा नरहेको संकेत दिएका छन् । उनले पाकिस्तानमा शान्तिको स्थापनाको लागि अमेरिकाको कुनै आवश्यकता नरहेको बताएका हुन् । उनले आगामी दिनमा अमेरिकासँगको सम्बन्धमा सुधार आउनसक्ने तर यो सम्बन्ध एकतर्फी हुन नसक्ने बताएका हुन् ।
खानले भारतलाई लक्षित गर्दै पाकिस्तानमा भइरहेको गलत गतिविधिहरुको कारक भारत रहेको बताए। उनले दुई मुलुकको बीचमा शान्ति कायम गर्नका लागि दुवै मुलुकहरु बराबरीमा आउनुपर्ने उनको भनाइ छ । यद्यपि उनले अर्को छिमेकी मुलुक चीनसँगको सम्बन्धमा भने थप सुधार हुने बताएका हुन् । उनले मुलुकको आर्थिक विकासको पाठ चीनबाट सिक्ने उनले बताएका हुन् ।
उनले साउदी अरेयिबा पाकिस्तानको लागि कठिन समयको साथी रहँदै आएको बताए । यसअघि तालिवानसँग वार्ता गरेर समस्या समाधान गर्नुपर्ने धारणा राखेको भन्दै आलोचनाको सिकार भएका खानले अफगानिस्तानसँगको सीमा खुला राख्ने र शान्तिपूर्ण वार्ता गर्नु आफ्नो प्राथमिकतामा रहेको बताए । एजेन्सी ।

सम्बन्धित खबर

कमजोरी सच्याउन एमाले तयार छ : शङ्कर पोखरेल

भद्रकालीबाट सुुरु भयो एमालेको र्‍याली

सुदूरपश्चिममा लगानी गर्नुहोस्, हामी पूर्वाधारको व्यवस्था गरिदिन्छौं : मुख्यमन्त्री शाह

छ सय ग्राहकको विद्युत्को लाइन काटिँदै

राष्ट्रपतिद्वारा भारतीय सेना प्रमुखलाई मानार्थ महारथी प्रदान

ग्रेटर नेपालका अभियन्ता नेपाल प्रहरीको नियन्त्रणमा