१० मंसिर २०८१, सोमबार
२०७८ आश्विन २२ गते, शुक्रबार १०:२४ मा प्रकाशित
बेल्जियमविरूद्ध उत्कृष्ट पुनरागमन जितसहित फ्रान्स युइएफए नेशन्स कप फुटबलको फाइनलमा प्रवेश गरेको छ । फ्रान्सले अब उपाधिका लागि स्पेनसँग प्रतिस्पर्धा गर्नेछ ।
बिहीबार राति भएको सेमिफाइनलमा दुई गोलले पछि परेको स्थिति उल्टाउँदै फ्रान्सले बेल्जियमलाई ३-२ ले पराजित गरेको हो । थियो हर्नान्डेजले इन्जुरी टाइममा गोल गर्दै फ्रान्सलाई जित दिलाएका हुन् । इटालीको एलिनाज स्टेडियममा भएको खेलमा यानिक कारसाकोले ३७औं र रोमेलु लुकाकुले ४०औं मिनेटमा गोल गरेपछि बेल्जियमले पहिलो हाफमा दुई गोलको अग्रता बनाएको थियो ।
तर दोस्रो हाफमा फ्रान्सले शानदार कमब्याक गर्यो । करिम बेन्जामाले ६२औं र किलिएन एमबाप्पेले ६९औं मिनेटमा पेनाल्टीमा गोल गरेपछि फ्रान्सले खेल बराबरी गर्यो । इन्जुरी टाइममा हर्नान्डेजले गोल गरेपछि फ्रान्सले खेल ३-२ ले जित्यो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
