काठमाडौंको न्यूनतम तापक्रम यो वर्षकै कम

होमल्याण्ड खबर

२०७८ मंसिर २६ गते, आईतवार १४:१७ मा प्रकाशित

काठमाडौँमा आइतबार(आज) यो वर्षकै बढी चिसो महसुस गरिएको छ। जल तथा मौसम विज्ञान विभागका अनुसार आज काठमाडौँ उपत्यकाको न्यूनतम तापक्रम यो वर्षकै कम मापन गरिएको छ ।

मुलुकभर चिसो बढ्ने क्रममा रहेकोले चिसोबाट बच्न आवश्यक सतर्कता अपनाउन जल तथा मौसम विज्ञान विभागले अनुरोध गरेको छ ।

हाल देशको पहाडी भूभागमा आंशिक बदली रही देशका अन्य भूभागमा मौसम सामान्यतया सफा रहेको छ । सोमबार  सुदूरपश्चिम, कर्णाली, लुम्बिनी र गण्डकी प्रदेशमा आंशिकदेखि सामान्य बदली रही ती प्रदेशका उच्च पहाडी तथा हिमाली भूभागका केही स्थानमा हल्का हिमपातको सम्भावना रहेको मौसम पूर्वानुमान महाशाखाले जनाएको छ ।

मौसम पूर्वानुमान महाशाखाको पछिल्लो विवरण अनुसार आज काठमाडौँ उपत्यकाको अधिकतम तापक्रम १९ दशमलव आठ डिग्री सेल्सियस रहेको छ । त्यस्तै आज सबैभन्दा कम जुम्लाको न्यूनतम तापक्रम माइनस चार दशमलव पाँच डिग्री र सबैभन्दा धेरै भैरहवाको अधिकतम तापक्रम २८ दशमलव चार डिग्री सेल्सियस रहेको छ ।

सम्बन्धित खबर

स्वास्थ्य प्रवर्द्धन केन्द्रमा सेवाग्राहीको घुइँचो

अनुदानमा दिइएकोे मल कालोबजारी गर्नेलाई कारबाही गरिने

हर्क साम्पाङलाई ज्ञानेन्द्र शाहीको कडा जवाफ: ‘३५ वर्षे लुटतन्त्रविरुद्धको जनमत सम्मान गरौँ, प्रधानमन्त्रीको राजीनामा चाहिँदैन’

अख्तियारका पूर्वसचिव महेश्वर न्यौपानेसहित १४ विरुद्ध भ्रष्टाचार मुद्दा दर्ता

पूर्वाधार विकासमन्त्रीद्वारा नागढुङ्गा-मुग्लिङ सडकको अनुगमन

नयाँ सामग्री खरिद नगर्न निर्देशन