२ जेष्ठ २०८३, शनिबार
२०७८ पुष २८ गते, बुधबार १५:४५ मा प्रकाशित
नेपाल निजामति कर्मचारी युनियनको आठौ महाधिवेशनको सम्पुर्ण तयारी सकिएको छ । माघको ८ देखि १० गतेसम्म काठमाडौंमा हुने आठौ महाधिवेशनको सम्पुर्ण तयारी सकिएको युनियनले जनाएको छ । महाधिवेशन अन्तरगत सम्पुर्ण जिल्ला, केन्द्रीय सचिवलाय तथा विभागिय अधिवेशनहरु सम्पन्न भइसकेर मतदाताको नामावलीलाई अन्तिम रुप दिने काम भइरहेको युनियनले जनाएको छ ।
कोरोना महामारी ह्वातै बढेको अवस्थामा युनियनको महाधिवेशनमाथि प्रश्न उठिरहेका बेलामा युनियनको बर्तमान नेतृत्व सरकारसंग अनुमति लिएर स्वास्थ्य मापदण्ड कडाईका साथ अपनाएर आफ्नो ८ औं महाधिवेशन गर्न लागेको हो । युनियनका उपमहासचिव दुर्गा फुयाँलले महाधिवेशनमा सहभागि युनियनकर्मीलाई कसरी सुरक्षित रुपमा महाधिवेशनमा सहभागि गराउने भन्ने विषयमा छललफल भइरहेको बताए । उनले सरकारसंग अनुमति लिएर महाधिवेशन तोकिएको समयमा नै गराउने स्पष्ट पारे ।
कोरोनाको संक्रमण बढेपछि सरकारले आउदो माघ १२ गते सातै प्रदेशमा राष्ट्रियसभाको निर्वाचन गर्दै छ । त्यस्तै माघ ७ गते इन्जिनियर्स एसोशियनको पनि महाधिवेशनका लागि मतदान हुँदैछ । लामो समय रोकिएको इन्जिनियर्स एसोशियन महाधिवेशनको मतदान माघ ७ गतेका लागि तोकिएको छ । त्यस्तै एमाले निकट नेपाल निजामति कर्मचारी संगठनको समेत महाधिवेशन माघको १४ गतेदेखि १६ गतेसम्म हुँदैछ ।
निजामति कर्मचारी युनियनको महाधिवेशन माघमा तोकिएकै समयमा गर्नै पर्ने बाध्यता भएकाले कुनैपनि हालतमा नरोकिने बताइएको छ । युनियनको बर्तमान कार्यसमितिको म्याद चैत्रसम्म मात्र भएकाले स्वास्थ्य मापदण्ड पालना गरेर यही मितिमा महाधिवेशन गर्ने तयारी गरिएको हो । अहिले लकडाउनकै अवस्था नभएको र पछाडि अझ कोरोनाको संक्रमण बढ्दै गएको अवस्थामा लकडाउन भएमा युनियनको बैधानिकता माथि प्रश्न उठ्ने भएकाले पनि युनियनको बर्तमान नेतृत्व समयमा नै महाधिवेशन गराउन लागेको कुरा उपमहासचिव दुर्गाप्रसाद फुयालले बताउनु भयो।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
