रामकोट घटना : ‘हामी संयुक्त रुपमा बिदा हुँदै छौँ’ लेखिएको सुसाइड नोट फेला

होमल्याण्ड खबर

२०७८ फाल्गुन २४ गते, मंगलवार १०:३४ मा प्रकाशित

काठमाडौँको रामकोटमा एकै परिवारका पाँच जना घरभित्र बेहोस अवस्थामा भेटिएकामध्ये चार जनाको भेन्टिलेटरमा उपचार भइरहेको छ । एक जनाको भने मृत्यु भएको छ । उनीहरूलाई प्रहरीले मनमोहन मेमोरियल अस्पतालमा उपचारका लागि पुर्‍याएको थियो । उपचारका क्रममा ३३ वर्षीय सुवर्णमान प्रधानको मृत्यु भएको हो ।

घटनामा ६२ वर्षीय इन्दिरामाया, उनका छोरा ३८ वर्षीय भीममान, बुहारी ३५ वर्षीया इन्दिरा र नातिनी ११ वर्षीया सुप्रियाको अवस्था गम्भिर रहेको काठमाडौँ प्रहरी परिसरले जनाएको छ । काठमाडौँ डल्लु स्थायी घर भएका प्रधान परिवार गत कात्तिकदेखि रामकोटमा डेरामा बस्दै आएका थिए ।

घटना स्थलबाट सुसाइड नोट फेला परेको प्रहरीले जनाएको छ । नोटमा उनीहरूले ‘हामी संयुक्त रुपमा बिदा हुँदै छौँ’ लेखेका थिए । घटना आर्थिक अवस्था बिग्रिएपछि भएको हुन सक्ने प्रहरीले आशंका गरेको छ । घटनाबारे थप अनुसन्धान भइरहेको छ ।

सम्बन्धित खबर

नयाँ सामग्री खरिद नगर्न निर्देशन

राष्ट्रपतिसमक्ष महालेखापरीक्षकको प्रतिवेदन पेश

जेठ २१ भित्र कांग्रेस सदस्यता अद्यावधिक गर्न निर्देशन

प्रधानमन्त्रीको अनुपस्थितिमै नीति तथा कार्यक्रममाथि छलफल

प्रधानमन्त्री संसद्बाट भाग्न खोजेको आरोप : योगेश भट्टराई

कर्णालीको विद्युत् आपूर्ति प्रभावित भएपछि मन्त्री श्रेष्ठद्वारा कडा निर्देशन