९ मंसिर २०८१, आईतवार
२०७८ फाल्गुन २६ गते, बिहीबार १५:३६ मा प्रकाशित
आज साताको अन्तिम कारोबार दिन नेपाल स्टक एक्सचेञ्ज नेप्सेमा ५२ अंकको उछाल आएको छ । पछिल्लो समय निरन्तर घटिरहेको बजारमा आज विहीबार भने दोहोरो अंकको उत्साहजनक वृद्धि आएको हो । कारोबारको सुरुवाती समयमा आज पनि बजारले घट्ने संकेत देखाएको थियो । कारोबार सुरू भएको ३० मिनेटको समयमा बजार १५ अंकले ओरालो लाग्दै २५ सयको अंकबाट तल झरेको थियो । तर, त्यसपछि निरन्तर सुधार हुँदै परिसूचक ५२ अंकले उकालो लागेको हो ।
आज ५२ अंक अर्थात २।०८ प्रतिशतको सुधार आएसँगै परिसूचक २५ सय ६६ अंकमा पुगेको छ । नेप्से परिसूचक दोहोरो अंकले बढेको दिन आज कारोबार रकम भने न्यून छ । २ अर्ब ७९ करोड रुपैयाँ बराबरको ५६ लाख १० हजार कित्ता सेयर किनबेच भएको छ ।
परिसूचक दोहोरो अंकले बढ्दा कारोबारमा आएका १३ मध्ये १२ समूहमा सुधार आएको छ । आज अन्य समूह ०।९५ अंकले घट्नुबाहेक कुनै पनि समूहमा गिरावट आएको छैन । यसबाहेक जीवन बीमा समूहको सूचक ३७१ अंकले बढेको छ भने निर्जीवन बीमा समूहको सेयर मूल्य २४८ अंकले बढेको छ ।
यस्तै, विकास बैंक समूह २०२ अंकले बढ्दा जलविद्युत समूह १२३ अंकले बढेको छ । यसैगरी, आज इमर्जिङ नेपालको सेयर मूल्य सबैभन्दा धेरै ९ प्रतिशतभन्दा बढीले बढेर प्रतिकित्ता ३४१ रुपैयाँ पुगेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
