९ मंसिर २०८१, आईतवार
२०७८ चैत्र ७ गते, सोमबार ११:१९ मा प्रकाशित
नेपाली राष्ट्रिय पुरुष फुटबल टोली आज थाइल्याण्ड प्रस्थान गर्ने भएको छ । एएफसी एशियन कप छनोट तयारीमा रहेको नेपाली राष्ट्रिय फुटबल टोली मैत्रीपूर्ण खेल खेल्न थाइल्याण्ड जाने भएको हो ।
नेपाली फुटबल टोलीलाई एन्फाले आईतबार नै बिदाइ गरेको थियो । टोली मध्यान्ह १२ बजे नेपाल एयरलाइन्सको विमानबाट थाइल्याण्ड जान लागेको एन्फाले जनाएको छ ।
नेपाली टोलीले थाइल्याण्डमा रहँदा त्यहाँको राष्ट्रिय र शीर्ष डिभिजन क्लब चोनबुरीसँगको दुई मैत्रिपूर्ण खेल्ने छ। नेपालले चैत १० गते थाइल्याण्डको राष्ट्रिय र चैत १३ गते एक शीर्ष क्लब चोनबुरीसँग मैत्रिपूर्ण खेल खेल्ने भएको छ ।
सहिद स्मारक ए डिभिजन लिग च्याम्यिनसिप मच्छिन्द्रका खेलाडी विना मैत्रिपूर्ण खेलका लागि टोली थाइल्याण्ड उड्न लागेको हो । एएफसी छनोटमा नेपाल समूह ए मा रहेको छ। नेपाल रहेको समूहमा कुवेत, इन्डोनेसिया र जोर्डन रहेका छन्।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
