रुसी सेनाले बलात्कार र यौन दुर्व्यवहार गरेको युक्रेनी सांसद्को दाबी

होमल्याण्ड खबर

२०७८ चैत्र १५ गते, मंगलवार १४:१२ मा प्रकाशित

रुसी फौजले युक्रेनमा महिलाहरुमाथि बलात्कार र यौन दुर्व्यवहार गरेको युक्रेनी सांसद्ले दाबी गरेकी छिन् । बेलायती समाचार च्यानल स्काई न्यूजसँगको कुराकानीका क्रममा युक्रेनी सांसद् एवम् युरोपेली परिषद्को संसदीय सभामा युक्रेनी प्रतिनिधिमण्डलकी प्रमुख मारिया मेज्नेत्सेभाले रुसी सेनाले युक्रेनमा महिलामाथि बलात्कार र यौन दुर्व्यवहार गरेको दाबी गरेकी हुन् ।

‘त्यहाँ एउटा मुद्दा छ, जुन हालै धेरै चर्चा गरिएको थियो किनभने यो अभियोजनकर्ताको कार्यालयमा दर्ता भएर अगाडि बढिरहेको छ । हामी विस्तृतमा नजाऔँ तर, यो एकदम डरलाग्दो दृश्य हो । राजधानी किभनजिकै एउटा सहरमा एकजना नागरिकलाई उसको घरमा गोली हानेर मारिएको थियो ।’ उनले अगाडि भनिन्, ‘अनि उनकी श्रीमतीलाई – माफ गर्नुहोला मैलो यो भन्नै पर्छ – उनको सानो बच्चाकै अगाडि बलात्कार गरिएको थियो ।’

मादक पर्दाथले उत्तेजित सिपाहीले घरमा पसेपछि श्रीमानको हत्या गरेको र पत्नीलाई बारम्बार बलात्कार गरेको युक्रेनकी अभियोजनकर्ता जनरल इरिना भेनेदिक्टोभाले बताएकी छिन् ।

युक्रेनमाथि आक्रमण गरिरहेको रुसी सेना युद्ध अपराधमा संलग्न भएको आरोप लागिरहेका बेला युक्रेनी सांसद्को यस्तो भनाइ आएको हो ।

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित