९ मंसिर २०८१, आईतवार
२०७८ चैत्र २१ गते, सोमबार १७:३६ मा प्रकाशित
जारी त्रिदेशीय सिरिजमा उत्कृष्ट प्रदर्शन गरेका दीपेन्द्रसिंह ऐरी प्रतियोगिताको सर्वोत्कृष्ट खेलाडी बनेका छन् । प्रतियोगिताको दौरान दुई अर्धसतक र एक सतक बनाएका उनी सबैभन्दा उत्कृष्ट खेलाडी चुनिए।
उनले पीएनजीविरुद्धको पहिलो खेलमा चार रन बनाएका थिए। पीएनजीविरुद्धका पछिल्लो बाँकी दुई खेलमा भने क्रमशः ६६ र अविजित ५४ रन बनाएका छन्।
त्यस्तै, उनले मलेसियाविरुद्ध पहिलो खेलमा २१ र दोस्रो खेलमा ११० रन बनाएका थिए।
उनले सिरिजका दौरान कुल २५५ रन बनाए। त्यस्तै, प्रतियोगिताका पाँच खेलमा बलिङ गरेका उनले सात विकेट गिराएका छन्। त्यस्तै प्रतियोगिताको उत्कृष्ट बलर करण केसी बनेका छन्। उनले मलेसियाविरुद्ध ह्याट्रिकसहित पाँच विकेट लिएका थिए। समग्रमा उनले १३ विकेट लिएका छन्।
त्यस्तै, प्रतियोगिताको उत्कृष्ट ब्याटर बने पीएनजीका टोनी उरा। फाइनल खेलमा शून्य रनमा आउट भएका उनले त्यसअघिका खेलमा क्रमशः ८६, ४३, ५६ र ५ रन बनाएका थिए।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
