८ मंसिर २०८१, शनिबार
२०७९ बैशाख २ गते, शुक्रबार १५:४३ मा प्रकाशित
एजेन्सी । विश्वमा सबैभन्दा धेरै डाउनलोड हुने एप ‘टिकटक’ले रेकर्ड तोडेको छ । टिकटक सन् २०२२ मा विश्वभर सबैभन्दा धेरै डाउनलोड हुने एप बनेको छ ।
२०२२ को सुरुवात भएयता मात्रै यो सामाजिक सञ्जाल एप १७ करोड ६० लाख पटक डाउनलोड भएको छ ।
एपको कूल डाउनलोड ३ अर्ब ५० करोड नाघेको छ । सन् २०१८ को सुरुवातदेखि नै अन्य कुनै पनि एपले कूल डाउनलोडमा यसलाई पछि पार्न सकेका नसकेको एनालिटिक्स फर्म सेन्सर टावरले बिहीबार सार्वजनिक गरेको रिपोर्टमा उल्लेख छ ।
१५ करोड १० लाख डाउनलोड सहित इन्स्टाग्राम दोस्रो धेरै डाउनलोड हुने एपमा परेको छ । यद्यपि एसियामा भने इन्स्टाग्राम सर्वाधिक डाउनलोड हुने एपको सूचीको पहिलो नम्बरमा उभिएको छ ।
मेटा अन्तर्गतका तीन कम्पनी फेसबुक, इन्स्टाग्राम र ह्वाट्सएप सबैभन्दा धेरै डाउनलोड हुने टप फाइभ एपको सूचीमा छन् । गुगल प्ले स्टोरबाट सबैभन्दा धेरै डाउनलोड भएका एपहरूमा इन्स्टाग्राम र फेसबुक छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
