३० कार्तिक २०८१, शुक्रबार
२०७५ भाद्र १० गते, आईतवार १३:२१ मा प्रकाशित
पाकिस्तानको नयाँ सरकारले राष्ट्रपति र प्रधानमन्त्रीसहितका सरकारी अधिकारीहरु तथा नेताहरुलाई आफ्नो मनलाग्दो खर्च गर्न र पहिलो दर्जाको विमान प्रयोगमा प्रतिबन्ध लगाएको छ ।
खर्चमा नियन्त्रणका लागि पाकिस्तानको सरकारले यस्तो निर्णय गरेको हो । पाकिस्तानका सूचनामन्त्री फवाद चौधरीले प्रधानमन्त्री इमरान खानको अध्यक्षतामा बसेको बैठकले यस्तो निर्णय भएको बताए । पाकिस्तानी सञ्चारमन्त्रीका अनुसार सरकारले अहिले गरेको निर्णयसँगै अब राष्ट्रपति, प्रधानमन्त्री, प्रधानन्यायाधीश, सभामुख, राष्ट्रिय सभाका सभामुख र मुख्यमन्त्रीहरुलाई पहिलो दर्जाको विमान प्रयोगको अनुमति रहने छैन ।
त्यसका साथै उनीहरुलाई आफ्नो मन लागेको क्षेत्रमा खर्च गर्न पाउने नियममा पनि रोक लगाइएको छ । पूर्व प्रधानमन्त्री नवाज सरिफले एक वर्षमा ५१ अर्ब पाकिस्तानी रुपैयाँबराबरको थप खर्च गरेका गर्ने गरेका थिए । सो खर्च बचाउनका लागि प्रधानमन्त्री इमरान खानले यस किसिमको योजना अघि सारेका हुन् ।
आम निर्वाचनमा जित हासिल गरेसँगै इमरान खानले विलासी प्रधानमन्त्री आवास प्रयोग नगर्ने बताएका थिए । साथै उनले केवल दुई मात्र सेवक राख्ने निर्णय गरेका थिए । पछिल्लो समय पाकिस्तानको आर्थिक क्षेत्र केही कमजोर अवस्थामा रहेकोले प्रधानमन्त्रीले खर्चमा कटौती गर्ने निर्णय गरेका हुन् । एजेन्सी
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
