९ मंसिर २०८१, आईतवार
२०७९ बैशाख २३ गते, शुक्रबार १५:१३ मा प्रकाशित
नेपाल र जिम्बावे ए बीचको पहिलो एक दिवसीय खेलमा नेपाल तीन विकेटले पराजित भएको छ। कीर्तिपुरस्थित त्रिवि क्रिकेट मैदानमा भर्खरै सम्पन्न खेलमा नेपालले जिम्बावे एसँग तीन विकेटको हार बेहोरेको हो।
तीन खेलको सिरिजअन्तर्गत पहिलो खेलमा टस हारेर सुरुआति ब्याटिङ गरेको नेपालले १३६ रन मात्र बनाएको थियो। नेपालले ३१ ओभर तीन बलमै सम्पूर्ण विकेट गुमाएर सो रन बनाएको हो। जवाफमा जिम्बावेले सात विकेट गुमाएर २६ ओभरमै १३७ रनकाे लक्ष्य पूरा गरेको हो। जिम्बावेविरुद्ध नेपाली कप्तान सन्दीप लामिछाने र करण केसीले समान २–२ विकेट लिएका थिए। त्यस्तै, सोमपाल कामी र सागर ढकालले पनि समान १–१ विकेट गिराए।
त्यसक्रममा जिम्बावेका इनोसेन्ट कियाले ४८ रन बनाउँदा सेफस जुवाओले ३२ रनको योगदान दिए। रोय कियाले पनि १४ रन बनाए। यसबाहेक अन्य खेलाडीले सम्झनलायक प्रदर्शन नै गरेनन्।
आजको खेलमा नेपालका ओपनर कुशल भुर्तेलले १९ रन बनाए भने आसिफ शेख पाँच रनमै आउट भए। आसिफले पछिल्लो खेलमा ८७ रन बनाएका थिए। नेपालका लागि आरिफ शेखले पनि पाँच रन मात्र जोड्न सके भने रोहित पौडेल र मोहम्मद आदिल आलमले क्रमशः तीन र दुई रन जोडे।
दीपेन्द्र सिंह ऐरीले १८ रन बनाउँदा सोमपाल कामीले ७० बल खेल्दै ३० रन बनाएका छन्। नेपाली टिमका करण केसीले ३६ बलमा २५ रन बनाए। भने ९ बलमा चार रन बनाएर सन्दीप आउट भएपछि नेपाल सस्तैमा समेटिएको हो।
बलिङतर्फ जिम्बावेका ब्राड भवान्सले चार विकेट लिए भने भिक्टर न्युची, चेफास झुवाओ र ब्रान्डन मवुताले समान २–२ विकेट गिराएका थिए। शृङ्खलाको दोस्रो खेल शनिबार त्रिवि मैदानमै हुनेछ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
