९ मंसिर २०८१, आईतवार
२०७५ भाद्र १२ गते, मंगलवार १०:१२ मा प्रकाशित
इन्ग्लिश प्रिमियर लिग फुटबलमा म्यानचेस्टर युनाइटेड घरेलु मैदानमा पराजित भएको छ । सोमबार राति भएको खेलमा युनाइटेड टोटेनहमसंग ३–० गोल अन्तरले पराजित भएको हो ।
ओल्ड ट्राफोर्डमा पहिलो हाफ गोलरहित बराबरीमा सकिएको खेलको दोस्रो हाफमा तीन गोल गर्दै टोटेनहमले शानदार जित निकालेको हो ।
टोटेनहमलाई जित दिलाउन लुकास मौराले दुई गोल गरे । टोटेनहमका लागि थप गोल ह्यारी केनको नाममा रह्यो ।
खेलको ५० औं मिनेटमा केनको गोलबाट टोटेनहमले सुरुवाती अग्रता बनाएको थियो । त्यसको दुई मिनेट नबित्दै ५२ औं मिनेटमा मौराले गोल गर्दै टोटेनहमलाई २–० को अग्रता दिलाए । त्यसपछि खेलको ८४ औं मिनेटमा मौराले व्यक्तिगत दोस्रो गोल गर्दै टोटेनहमलाई ३ –० को जित दिलाए ।
खेलमा पाएको मौका सदुपयोग गर्न नसक्दा घरेलु टोली पराजित हुन पुगेको हो । युनाइटेडका रामेरो लुकाकुले खाली पोस्टमा गोल गर्न सकेनन् । पहिलो हाफमै लुकाकुले टोटेनहमका किपर ह्युगो लोरिस बिट गरेपनि गोल गर्न सकेनन् ।
टोटेनहमका ड्यानी रोसको ब्याक पासमा बल खोस्दै लोरिसलाई जिल्लाए पनि लुकाकुको प्रहार पोस्ट नजिकबाट बाहिरिएको थियो ।
युनाइटेडलाई घरेलु मैदानमा हराएसंगै टोटेनहमले लिगमा लगातार तेस्रो जित निकाल्न सफल भयो । यता, युनाइटेडको भने यो लगातार दोस्रो हार हो ।
जितसंगै टोटेनहमले ३ खेलबाट ९ अंक जोडेको छ । र, टोटेनहम दोस्रो स्थानमा छ । युनाइटेडको ३ खेलबाट ३ अंक रहेको छ । एजेन्सी ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
