बलात्कार मुद्दाको हदम्याद खारेज गर्न अखिल क्रान्तिकारीको माग

होमल्याण्ड खबर

२०७९ जेष्ठ ९ गते, सोमबार १४:२० मा प्रकाशित

नेकपा माओवादी केन्द्र निकट अखिल (क्रान्तिकारी)ले बलात्कार मुद्दामा हदम्याद खारेजी गर्न माग गरेको छ । आठ वर्ष अगाडीको एक सुन्दरी प्रतियोगिता आयोजकले एक युवतीलाई लगातार यौन हिंसा गरेको घटना हालै मात्रै सार्वजनिक भएको छ । सो घटना बाहिरिएपछि बलात्कार जस्ता मुद्दामा हदम्याद हठाउनुपर्ने आवाज उठिरहेको छ ।

अखिल क्रान्तिकारीमा नेताहरूले सोमबार सिंहदरबारस्थित कानुनमन्त्री गोविन्द बन्दीलाई ज्ञापन पत्र बुझाउँदै कानुनमा संशोधन गरेर हदम्याद हटाउन माग गरेका हुन । ‘मुलुकी ऐन, २०२० मा भएको व्यवस्था हेर्ने हो भने जबरजस्ती करणीको उजुरी गर्न ३५ दिनको मात्र म्याद दिएको थियो’ ज्ञापन पत्रमा भनिएको छ, ‘नयाँ संविधान जारी भएपछि विभिन्न कानुनमा रहेका लैंगिक असमानता हटाउन ल्याइएको ऐनले जबरजस्ती करणी उजुरीको हदम्यादलाई ३५ दिनबाट बढाएर ६ महिना बनाइएको थियो ।

त्यस्तै २०७५ मा बनेको नयाँ मुलुकी अपराध संहितामा हदम्याद एक वर्ष बनाइएको छ । माथिको तथ्यले कानुन आवश्यकता अनुसार संसोधन हुँदै जान्छ भन्ने पुष्टि गर्दछ ।

जबरजस्ती करणी जस्तो संवेदनशील, जघन्य महिलाविरुद्धको अपराधमा संकृचित हदम्यादको कारण पीडितले न्यायबाट बञ्चित हुनुपरेको र पीडकको मनोबल वृद्धि हुने अवस्था देखिंदा तुरुन्त हदम्याद खारेजीको लागि सम्बन्धित कानुन संसोधन गर्न जोडदार माग गर्दछौं।’

सम्बन्धित खबर

विदेश पठाउने भन्दै लाखौँ ठगी, तीन जना प्रहरीको फन्दामा

नेप्से परिसूचकमा सामान्य अङ्कको गिरावट

मधेस प्रदेशको साक्षरता अभियान सामाजिक रूपान्तरण र मानव विकासको अभियानः शिक्षामन्त्री पोखरेल

प्रतिनिधिसभाको बैठक करिब एक घण्टापछि सुरु

प्रधानमन्त्री अनुपस्थित भएपछि संसद् बहिष्कार

नीति तथा कार्यक्रमको जवाफ प्रधानमन्त्रीले दिनुपर्ने विपक्षी दलको अडान