निजगढ विमानस्थलबारे सर्वोच्चको फैसलामा माधवकुमार नेपालको आपत्ति

होमल्याण्ड खबर

२०७९ जेष्ठ १३ गते, शुक्रबार १६:५५ मा प्रकाशित

नेपाल कम्युनिष्ट पार्टी ९एकीकृत समाजवादी०का अध्यक्ष माधवकुमार नेपालले निजगढ अन्तर्राष्ट्रिय विमानस्थलबारे सर्वोच्च अदालतले गरेको फैसलामा आपत्ति जनाएका छन् । सरकारले प्रस्तुत गरेको नीति तथा कार्यक्रममाथिको छलफलका क्रममा संसद्मा सम्बोधन गर्दै अध्यक्ष नेपालले विमानस्थल निर्माणको कार्य अघि नबढाउन सर्वोच्च अदालतले दिएको फैसलामा आपत्ति जनाएका हुन् ।

काठमाडौंमा रहेको त्रिभुवन अन्तर्राष्ट्रिय विमानस्थलले थेग्न नसकेको तथा लुम्बिनीमा निर्माण गरिएको विमानस्थल त्यहाँका लागि मात्रै प्रयोगमा आउने भएका कारण अन्तिम विकल्प निजगढ रहेको बताए ।

संसद्मा सम्बोधन गर्दै उनले भने, ‘मास्टरप्लान तयार भइसकेको अवस्थामा, ईआईए तयार भइसकेको अवस्थामा, गहिरो अध्ययन भइसकेको अवस्थामा, झण्डै ३ अर्ब रुपैयाँ नेपाल नागरिक उड्डयन प्राधिकरणले खर्च गरिसकेको अवस्थामा, जग्गाहरु अधिग्रहण गरिसकेको अवस्थामा, त्यही कामका लागि फास्ट ट्र्याकको निर्माण अघि बढेको अवस्थामा‘ बडो दुख लाग्यो मलाई ।’

उनले योजना छनौट गर्दा प्राथमिकता निर्धारण गर्नुपर्ने भन्दै उनले कहीँ धेरै पूर्वाधारको निर्माण हुने तर कहीँ भने कुनै पूर्वाधार नै निर्माण नहुने अवस्था आएको समेत बताए ।

सम्बन्धित खबर

कमजोरी सच्याउन एमाले तयार छ : शङ्कर पोखरेल

भद्रकालीबाट सुुरु भयो एमालेको र्‍याली

सुदूरपश्चिममा लगानी गर्नुहोस्, हामी पूर्वाधारको व्यवस्था गरिदिन्छौं : मुख्यमन्त्री शाह

छ सय ग्राहकको विद्युत्को लाइन काटिँदै

राष्ट्रपतिद्वारा भारतीय सेना प्रमुखलाई मानार्थ महारथी प्रदान

ग्रेटर नेपालका अभियन्ता नेपाल प्रहरीको नियन्त्रणमा