३० बैशाख २०८३, बुधबार
२०७९ जेष्ठ १९ गते, बिहीबार १३:१९ मा प्रकाशित
तारा एयरको जहाज दुर्घटनामा परी मृत्यु भएकाहरुको शव आज परिवारलाई हस्तान्तरण गरिएको छ । जहाज दुर्घटनामा मृत्यु भएका २२ जना कै शव त्रिवि शिक्षण अस्पताल महाराजगञ्जमा पोष्टमार्टमपछि एकैपटक मृतकका परिवारलाई हस्तान्तरण गरिएको हो ।
प्रहरीको सहयोगमा त्रिवि शिक्षण अस्पतालले शवलाई नम्बर अनुसार छुट्याएर पोष्टमार्टम गरेको थियो । अनुहार चिन्न नसकिने शवहरूलाई आफन्तको सहयोगमा कपडा र खतको आधारमा पहिचान गरिएको शिक्षण अस्पतालका एक चिकित्सकले जानकारी दिए ।
आइताबार पोखराबाट मुस्ताङ उडेको ९ एन– ‘एईटी’ ट्विनअटर विमान सोमबार बिहान मुस्ताङको थासाङ गाउँपालिका–२ सानोस्वाँरेस्थित मानापाथी हिमालको फेदीमा दुर्घटनाग्रस्त अवस्थामा भेटिएको थियो ।
दुर्घटनामा चालक दलका ३ सदस्यसहित जहाजमा सवार २२ जनाकै मृत्यु भएको थियो । मृतकको शव सोमबार र मङ्गलबार दुई चरणमा नेपाली सेनाको एमआई–१७ हेलिकप्टरमार्फत काठमाडौं ल्याइएको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
