म्यानमारका राष्ट्रपति मिन्ट आज लुम्बिनी भ्रमणमा

होमल्याण्ड खबर

२०७५ भाद्र १३ गते, बुधबार १३:१० मा प्रकाशित

बिमस्टेक सम्मेलनमा सहभागि हुन मंगलबार नेपाल आएका म्यानमारका राष्ट्रपति विन मिन्ट आज लुम्बिनी भ्रमणमा छन् ।
काठमाडौंबाट चार्टर प्लेनमा ३६ जनाको टोलीसहित बुधबार बिहान झण्डै ११ बजे भैरहवा विमानस्थल ओर्लिएका राष्ट्रपति विमानस्थलबाट हेलिकप्टरमा लुम्बिनी पुगेका थिए । हेलिकप्टरमा राष्ट्रपतिसहित १६ जना लुम्बिनी गएका थिए ।
लुम्बिीनमा राष्ट्रपतिलाई पर्यटन मन्त्री रविन्द्र अधिकारी र ५ नम्बर प्रदेशका मुख्यमन्त्री शंकर पोख्रेलले स्वागत गरेका छन् ।
राष्ट्रपति लुम्बिनी पुगेलगत्तै मायादेवी मन्दिरको अवलोकन गर्दैछन् । त्यसपछि राष्ट्रपतिले त्यहाँ पूजाआजा पनि गर्ने छन् ।
लुम्बिनीबारे नेपाली अधिकारीहरुले बिफ्रङ गरेपछि उनले पण्डिताराम ध्यानकेन्द्रमा केही समय ध्यान गरेर फर्किने कार्यक्रम रहेको लुम्बिनी विकास कोषका सूचना अधिकृत हरिध्वज राईले जानकारी दिएका छन् ।
राईका अनुसार राष्ट्रपतिले लुम्बिनीमा झण्डै आठ घण्टा विताउनेछन् ।

सम्बन्धित खबर

दुर्गा प्रसाईँलाई सर्वोच्चमा उपस्थित गराइयो

चुडामणिको मुद्दामा विपक्षी झिकाउन सर्वोच्चको आदेश

सर्वोच्चको बोर्डमा कालो रङ छ्यापेकी बिनु यादव प्रहरी नियन्त्रणमा

२ हजार ६ सय रुपैयाँले घट्यो सुनको मूल्य

सामाजिक सुरक्षा एउटा उन्नत अवधारणा र अभ्यास : प्रधानमन्त्री

रबि लामिछानेलाई आज काठमाडौं ल्याईदै