२ चैत्र २०८२, सोमबार
२०७९ असार २९ गते, बुधबार १४:५९ मा प्रकाशित
नेकपा एमालेका नेता घनश्याम भुसालले नेपाल राष्ट्र बैंकका गभर्नर महाप्रसाद अधिकारी आफ्नो पार्टीमा संलग्न नरहेको बताएका छन् ।
बुधबार सामाजिक सञ्जालमार्फत नेता भुसालले आफू प्रमुख रहेको नेकपा (एमाले), अर्थ तथा योजना विभागमा गभर्नर अधिकारीको संलग्नता नरहेको स्पष्ट पारेका हुन् ।
उनले एमालेका कमिटी र विभागहरुमा त्यस्ता सार्वजनिक पद धारण गरेका व्यक्तिहरु रहने वैधानिक व्यवस्था नभएको स्पष्ट पारेका छन् ।
‘म प्रमुख रहेको नेकपा (एमाले), अर्थ तथा योजना विभागमा गभर्नर महाप्रसाद अधिकारीको संलग्नता बारे मसँग समेत धेरै जनाले चासो र जिज्ञासा राख्नुभएको छ । प्रथमतः, स्वयम् गभर्नर महाप्रसाद अधिकारीले ‘कुनै पार्टी राजनीतिमा आफ्नो संलग्नता नरहेको र उक्त व्यक्ति पनि आफु नभएको’ स्पष्ट पारिसक्नुभएको छ,’ भुसालले भनेका छन्, ‘दोस्रो, हाम्रा कमिटी र विभागहरुमा त्यस्ता सार्वजनिक पद धारण गरेका व्यक्तिहरु रहने वैधानिक व्यवस्था पनि नभएको कुरा जानकारी गराउन चाहान्छु ।’
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
