९ मंसिर २०८१, आईतवार
२०७९ श्रावण १७ गते, मंगलवार १३:५६ मा प्रकाशित
यू २० साफ च्याम्पियनसिप अन्तर्गत लिग चरणको अघिल्लो खेलमा भारतसँग आठ शुन्य गोल अन्तरले पराजित भएको नेपालले आज अन्तिम खेलमा बंगलादेशको सामना गर्दैछ ।
भुवनेश्वरस्थित कालिंगा स्टेडियममा नेपालले अन्तिम लिग खेलमा बंगलादेशको सामना गर्नेछ । नेपाल र बंगलादेशबीचको खेल नेपाली समय अनुसार दिउँसो ४ः१५ बजे सुरु हुनेछ ।
लगातार दुई खेल जितेर उत्साहित बनेको नेपाल भारतसँग भारी गोल अन्तरले पराजित भएपछि धक्का लागेको थियो । अब नेपालको फाइनल पुग्ने सम्भावना अंकगणितमा त बाँकी नै छ, तर व्यवहारिक रुपमा कठीन छ ।
नेपालले आज बंगलादेशलाई पराजित गरेर मात्रै फाइनल यात्रा सम्भव हुँदैन । आजै हुने दोस्रो खेलमा माल्दिभ्सले भारतलाई हराएको वा अंक बाँडेको हुनु पर्नेछ । त्यसो नभए नेपालले बंगलादेशलाई ७–० गोलको नतिजामा पराजित गर्नुपर्नेछ ।
लगातार तीन जित निकालेको बंगलादेश नौ अंकसहित शीर्ष स्थानमा छ । समान खेलमा समान ६ अंक जोडेको भारत दोस्रो र गोल अन्तरका आधारमा नेपाल तेस्रो स्थानमा छ ।
प्रतियोगिताकै दाबेदार टोलीको रूपमा रहेको बंगलादेशमाथि जित निकाल्नु नेपालका लागि सहज भने छैन । बंगलादेशले पहिलो खेलमा श्रीलंकालाई हराएको थियो भने दोस्रो खेलमा भारतलाईपनि पराजित गरेको थियो ।
५ राष्ट्र सहभागी च्याम्पियनसिपको शीर्ष दुई टोलीले उपाधिका लागि प्रतिस्पर्धा गर्नेछ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
