३ चैत्र २०८२, मंगलवार
२०७९ आश्विन ४ गते, मंगलवार १०:३७ मा प्रकाशित
आगामी मंसिर ४ मा हुने चुनावका लागि समानुपातिकतर्फ उम्मेदवारको बन्दसूची बुझाउने काम आज (मंगलबार) बिहान ५ बजे मात्रै सकिएको छ ।
निर्वाचन आयोगले दलहरूलाई प्रतिनिधि सभा र प्रदेश सभातर्फ समानुपातिक उम्मेदवारको बन्दसूची बुझाउन आइतबार र सोमबार दुई दिन समय दिएको थियो। तर पहिलो दिन २ दलले मात्रै उम्मेदवारको बन्दसूची बुझाएका थिए। नेपाली कांग्रेस, नेकपा एमाले, नेकपा माओवादी केन्द्रलगायत ठूला दल मंगलबार अपरान्हपछि मात्रै निर्वाचन आयोग पुग्दा बन्दसूची रूजु गर्नेलगायत काममा ढिलाइ भएको थियो ।
प्रतिनिधि सभातर्फ समानुपातिक निर्वाचनमा भाग लिन ६८ वटा दलले निवेदन दिएका थिए। तर ४८ वटा दलले मात्रै आज बिहानसम्म बन्दसूची बुझाएका आयोगले जनाएको छ । आयोगका समानुपातिक निर्वाचन प्रणालीका प्रवक्ता गुरूप्रसाद वाग्लेले ४८ दलबाट मात्रै समानुपातिक उम्मेदवारको बन्दसूची प्राप्त भएको बताए ।
उनले भने समानुपातिकतर्फ भाग लिन ६८ दलले निवेदन दिएकोमा जम्मा ४८ दलले मात्रै उम्मेदवारको बन्दसूची बुझाएका छन्,’ ।
असोज १० देखि १६ गतेसम्म संशोधन गरी उम्मेदवार सूची पेश गर्न समय दिन्छ। आयोगले प्रत्यक्षतर्फ उम्मेदवारको मनोनयन भने असोज २३ गते गर्ने तालिका बनाएको छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
