‘निगमको जहाज नियमित उडानअनुसार नै क्वालालम्पुर’

होमल्याण्ड खबर

२०७५ भाद्र २८ गते, बिहीबार १२:४७ मा प्रकाशित

राष्ट्रिय ध्वजावाहक नेपाल वायुसेवा निगमले केही दिनदेखि चर्चामा रहेको ‘दुबई जाने जहाज क्वालालम्पुर लगियो’ भन्ने प्रचारबाजीमा सतर्क रहन आग्रह गरेको छ । निगमले बुधबार विज्ञप्ति जारी गर्दै नियमित उडान तालिकाअनुसार नै जहाज मलेसियाको क्वालालम्पुर लगिएको प्रष्ट पारेको छ । निगमको अर्को जहाज ( ए३२० ९एन ए.के.डब्लु)मा भदौ २१ गते चरा ठोकिएकाले ग्राउन्डेड भएका कारण दुबईको फ्लाइट रद्द गरिएको विज्ञप्तिमा उल्लेख छ । विज्ञप्तिमा भनिएको छ– एउटा विमान भूमिस्थ छ ।

एउटा विमान भूमिस्थ भएका कारणले कतिपय नियमित उडान तालिकामा असर परिरहेको थियो । यसै क्रममा २०७५ भदौ २४ गतेको दुबई उडान रद्द गर्नुपर्ने बाध्यात्मक अवस्था सिर्जना भई उक्त उडान नभएको हो । क्वालालम्पुर जानका लागि दुबईको उडान रद्द भएको होइन ।
प्रत्येक सोमबार हुने नियमित उडानकै क्रममा भदौ २५ गते क्वालालाम्पुर उडान गरिएको निगमले स्पष्ट पारेको छ । “उक्त उडान समय तालिका अनुसार नै भएको हो,” विज्ञप्तिमा भनिएको छ, “उक्त उडानमा मलेसीयाको लंकावी सहरमा भएको पाटा ट्राभल मार्ट–२०१८ मा भाग लिन जाने नेपाली २६ जना प्रतिनिधि थिए । उक्त प्रतिनिधिमण्डलको कारणले दुबई जाने उडान क्वालालाम्पुरतर्फ लगियो भन्ने कुरा साँचो होइन ।”

सम्बन्धित खबर

सेयर बजार आज २२ अंकले बढ्यो

६२ अंकले बढ्याे नेप्से परिसूचक

१.८८ अंकले घट्याे सेयर बजार

ग्लोबल आइएमई बैंकका ग्राहकलाई दुषित थानी हिमालयन रिसोर्टमा १५ प्रतिशत छुट

नेप्से १८ अंकले घट्यो

आज २० अंकले घट्यो नेप्से