८ मंसिर २०८१, शनिबार
२०७९ कार्तिक २० गते, आईतवार १७:०२ मा प्रकाशित
एलन मस्कले ४४ अर्ब डलरमा माइक्रो ब्लगिङ साइट ट्वीटर खरीद गरेसँगै एकाएक महत्वपूर्ण निर्णयहरु लिइरहेका छन् ।
अकाउन्ट भेरिफिकेसन अर्थात् ब्लु टिकका लागि मासिक ८ डलर तिर्नुपर्ने नियम लागू गरेका मस्कले कम्पनीका कर्मचारीलाई सप्ताहन्तमा समेत विदा नलिइकन १२ घण्टा काम गर्न आदेश दिएका छन् ।
यसैबीचमा ट्वीटर प्रयोगकर्ताका लागि अर्को चिन्ता थपिएको छ । समाचार अनुसार अब ट्वीटरमा मेसेज अर्थात् डिएम गर्दा समेत पैसा तिर्नुुपर्ने भएको छ । यद्यपि डिएममा शुल्क लाग्ने नियम ट्वीटर ब्लू सब्सक्रिप्सनको हिस्सा हुन्छ वा हुँदैन, त्यस विषयमा अहिले कुनै जानकारी दिइएको छैन ।
चर्चित एप अनुसन्धानकर्ता जेन मान्चुन ओंगले एक ट्वीट गर्दै ट्वीटरमा मेसेज पठाउनका लागि शुल्क तिर्नुपर्ने नियम ट्वीटरले लागू गर्न थालेको दाबी गरेका छन् । यद्यपि यस विषयमा ट्वीटरले आधिकारिक रुपमा केहीपनि बताएको छैन ।
सीईओ पराग अग्रवाल सहित विभिन्न वरिष्ठ अधिकारीलाई बर्खास्त गरेका एलन मस्कले कम्पनीका ५० प्रतिशत अर्थात् करीब ३७ सय जनशक्ति कटौती गर्ने योजना बनाएको बताइएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
