निर्मलाका बाबु आमाले घटना भएको ५२ दिनपछि प्रधानमन्त्रीलाई भेटे

होमल्याण्ड खबर

२०७५ आश्विन १ गते, सोमबार ११:३७ मा प्रकाशित

कञ्चनपुरमा बलात्कारपछि हत्या गरिएकी निर्मला पन्तका बुबा आमाले प्रधानमन्त्री केपी ओलीलाई भेटेका छन् । प्रधानमन्त्री निवास बालुवाटारमा निर्मलाका बुबा यज्ञराज र आमा दुर्गादेवीले घटनाको ५२ दिनपछि प्रधानमन्त्री ओलीसँग भेट गरेका हुन् ।

बालुवाटारमा भएको भेटमा निर्मलाका बुबा आमाले राज्यले आफुहरुलाई न्याय दिन नसकेको गुनासो गरेका छन् । भेटमा प्रधानमन्त्री ओलीले घटनाका सम्बन्धमा अनुसन्धान भैरहेको भन्दै छिट्टै अपराधी कानुनी कारबाहीमा आउने आश्वासन दिए । ओलीले प्रतिवद्धता समेत जनाउन कञ्जुस्याँई गरे ।

छोरीको हत्यारा पहिचान गरि आफुहरुलाई न्याय दिलाउन भन्दै र्निमलाका बुबा यज्ञराज र आमा दुर्गादेवी ६ दिनअघि काठमाडौं आएका हुन । उनीहरुले यसअघि गृहमन्त्री रामवहादुर थापा, प्रहरी महानिरिक्षक सर्वेन्द्र खनाल लगायतसँग यसअघि नै भेट गरिसकेका छन् । सरकारले भने घटनाको बारेमा अनुसन्धान भैरहेको जनाउदै आएको छ ।

सम्बन्धित खबर

कीर्तिपुरमा जित सुनिश्चित बनाउँदै माओवादी

हिजो सम्भवः नभए पछि रबि लामिछानेलाई आज साँझसम्म काठमाडौं ल्याइने

दुर्गा प्रसाईँलाई सर्वोच्चमा उपस्थित गराइयो

चुडामणिको मुद्दामा विपक्षी झिकाउन सर्वोच्चको आदेश

सर्वोच्चको बोर्डमा कालो रङ छ्यापेकी बिनु यादव प्रहरी नियन्त्रणमा

२ हजार ६ सय रुपैयाँले घट्यो सुनको मूल्य