९ मंसिर २०८१, आईतवार
२०७९ मंसिर २१ गते, बुधबार १६:११ मा प्रकाशित
लगातार ओरालो यात्रामा रहेको नेप्से सूचक आज पनि घट्न पुगेको छ । सोमबार २४ अङ्कमाथिले घटेर मंगलबार ४ अङ्कमा रोकिएको नेप्से सूचक आज थप १६.६१ अङ्कले घट्दै १९१७.२८ मा ओर्लिएको छ ।
यद्यपि, कारोबार रकम भने अघिल्लो दिनको तुलनामा ७० करोड भन्दा बढीले वृद्धि हुँदै आज १ अर्ब ६५ करोड ४६ लाख रुपैयाँ बराबरको भएको छ । अघिल्लो दिन ४ अङ्कले नेप्से घटेको बजारमा ९६ करोड ५२ लाख १० हजार रुपैयाँ बराबरको २५ लाख ८१ हजार कित्ता सेयर किनबेच भएको थियो ।
आज होटल तथा पर्यटन समूहको उपसूचक झिनो (०.०१ प्रतिशत) ले मात्र बढ्दै अन्य १२ वटा उपसूचक ऋणात्मक भएका छन् । आज सबैभन्दा बढी खप्तड लघुवित्त वित्तीय संस्था लिमिटेडका सेयर धनीहरूले ६.०९ प्रतिशतले कमाएका छन् भने नेडप लघुवित्त वित्तीय संस्थाका लगानीकर्ताले ९.९९ प्रतिशतले गुमाएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
