४ चैत्र २०८२, बुधबार
२०७९ पुष ५ गते, मंगलवार १०:४९ मा प्रकाशित
संसदमा चौथो शक्तिका रुपमा उदाएको राष्ट्रिय स्वतन्त्र पार्टीका सभापति रवि लामिछाने र प्रधानमन्त्री तथा नेपाली कांग्रेसका सभापति शेरवहादुर देउवाका वीचमा भेटवार्ता भएको छ ।
लामिछानेको पार्टीको सोमबार बुढानिकलकन्ठस्थित एक होटलमा बसेको संसदीय दलको गोप्य बैठकबाट लामिछाने दल नेता चयन भएपछि उनी प्रधानमन्त्री शेरवहादुर देउवासँगको भेटका लागि प्रधानमनत्री निवास बालुवाटार पुगेका थिए ।
प्रधानमन्त्री भेटन जाँदा लामिछानेले पार्टीका केही अन्य नेतालाई पनि साथमा नै लिएर गएका थिए । राष्ट्रिय स्वतन्त्र पार्टीले सरकारमा सहभागिताको विषयमा निर्णय गर्ने जिम्मा सभापति लामिछानेलाई नै दिएको छ । सरकारमा रहने या नरहने भन्ने अधिकार अव लामिछाने एक्लैले निर्णय लिन सक्ने जिम्मा उनलाई उनको पार्टीले दिएको छ ।
दल नेता चुनिएपछि प्रधानमन्त्री भेटन पुगेका लामिछानेलाई प्रधानमन्त्रीले सरकारका विषयमा पार्टी धारणा के हो भनी जिज्ञासा राखेका थिए ।
राष्ट्रपतिले सरकार गठनको लागि आह्वान गरेपछि प्रधानमन्त्री देउवा र रास्वपाका नेताबीच बालुवाटारमा भेटवार्ता भएको मौका छोपेर लामिछानेलाई देउवाले सरकारको बारेमा धारणा सोधेको राष्ट्रिय स्वतन्त्र पार्टीका प्रवक्ता मुकुल ढकालले बताए ।
यसअघि सरकार गठनबारे रास्वपाका सभापति लामिछानेले एमाले अध्यक्ष केपी ओलीसँग पनि छलफल गरेका थिए । संसदमा राष्ट्रिय स्वतन्त्र पार्टीको २० सिट छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
