मोबाइल ल्याउन गरिएको कडाइ तत्काल कार्यान्वन नगर्न प्रधानमन्त्रीको निर्देशन

होमल्याण्ड खबर

२०७९ पुष १५ गते, शुक्रबार १२:४७ मा प्रकाशित

मोबाइल डिभाइस म्यानेज्मेण्ट सिस्टम एमडीएमएस प्रणाली तत्काल लागू नगर्न प्रधानमन्त्री पुष्पकमल दाहालले निर्देशन दिएका छन् । नेपाल दूरसञ्चार प्राधिकरणले पुष १५ गते शुक्रबारदेखि पूर्णरुपमा एमडीएमएस प्रणाली लागू गर्ने योजना बनाएको थियो । प्रधानमन्त्री प्रचण्डले बिहीबार भन्सार विभागलाई उक्त निर्देशन दिएका हुन्।

भन्सार विभागले विदेशबाट ल्याउने फोनहरूमा कडाई गर्ने बताएको थियो। जनस्तरबाट व्यापक विरोध र विदेशबाट नो रेमिटेन्सको ह्यासट्याग अभियान नै सुरु भएपछि प्रधानमन्त्री दाहालले तत्कालका लागि एमडीएमएस प्रणाली लागू नगर्न निर्देशन दिएका हुन् ।
व्यक्तिले प्रयोग गरिरहेको सहित थप एउटा मोबाइल ल्याएको छ भने दोस्रो मोबाइलको लागि भन्सार विभागलाई १८ प्रतिशत कर अनिवार्य तिर्नु पर्ने बताएको थियो।

विदेशमा काम गरेर फर्किएकाहरुले आफ्ना परिवारका सदस्यका लागि नेपाल ल्याएका मोबाइलको पनि कर र भन्सार महसुल तिर्नैपर्ने गरी एमडीएमएस प्रणाली सुरु हुन लागेपछि यसको व्यापक विरोध भएको थियो । प्रधानमन्त्री कार्यालयबाट निर्देशन आएलगत्तै प्राधिकरणले तत्कालका लागि एमडीएमएस प्रणाली कार्यान्वयन रोक लगाएको छ ।

सम्बन्धित खबर

कामु प्रधानन्यायाधीशलाई रविको चुनौती- मेरो गर्धन त्यहीँ छ, चलाइदिनुस् हतियार

एसईई २०८२ को नतिजा सार्वजनिक गर्ने अन्तिम तयारी, यसरी हेर्न सकिन्छ नतिजा

सरकारविरुद्ध सुकुम्बासीको थाल ठटाएर विरोध प्रदर्शन

राष्ट्रपति पौडेलले वैशाख २८ गते संघीय संसदका दुवै सदनको संयुक्त बैठकलाई सम्बोधन गर्ने

मन्त्रिपरिषद्को बैठक बस्दै

आज ५ बजे संवैधानिक परिषद्को बैठक बस्दै