स्टक क्लियरेन्स मेला सुरु

होमल्याण्ड खबर

२०७५ आश्विन १२ गते, शुक्रबार १२:२४ मा प्रकाशित

दसैंका लागि आवश्यक सामग्री किन्न कता जाने भन्ने योजना बनाउँदै हुनुहुन्छ भने एकै छानामुनि सस्तोमा धेरै किसिमका सामान किन्न पाइने भएको छ । दसैंलाई लक्षित गर्दै राजधानीको भृकुटीमण्डमा स्टक क्लियरेन्स मेला सुरु भएको छ ।
बजारको तुलनामा सस्तो मूल्यमा सामान उपलब्ध गराउने उद्देश्यले मेला सुरु भएको हो । एकै छानामुनि स्वदेशी तथा विदेशी ब्रान्डका वस्तु तथा सेवाउपलब्ध गराउन इभेन्ट सोलुसनले मेलाको सञ्चालन गरेको हो । मेलालाई नेपाल चेम्बर अफ कमर्सले प्रवद्र्धन गरेको छ ।

मेलाको उद्घाटन गर्दै चेम्बर अध्यक्ष डा. राजेशकाजी श्रेष्ठले चाडपर्वका समयमा आयोजना हुने मेलाले आम उपभोक्तालाई धेरै सहज हुने गरेको बताए । मेला तथा एक्स्पो आयोजना हुने क्रम बढ्दै गए पनि ठूलो प्रदर्शनी स्थलको अभावले समस्या हुने गरेको उनको भनाइ थियो । सरकारले जग्गा मात्र उपलब्ध गराएको खण्डमा आफूहरू प्रदर्शनी स्थल तयार गर्न अग्रसर हुने उनले बताए ।
बर्सेनि आयोजना हुँदै आएको एक्स्पोलाई यस पटक पनि निरन्तरता दिँदै ‘दसैंको बेला सस्तो मेला’नारा दिइएको छ । ५ दिनसम्म चल्ने एक्स्पोमा दसैंका लागि आवश्यक सबै किसिमका सामग्रीहरू सस्तो मूल्यमा किनमेल गर्न पाइने आयोजक संस्था इभेन्ट सोलुसनका प्रबन्ध निर्देशक विजय सागर प्रधानले बताए ।
“मेलामा कपडा, जुत्ता, ह्यान्डिक्राफ्ट, इलेक्ट्रोनिक्स, मोटरसाइकल र होम अप्लाइन्सेजका ७२ स्टल छन् । मेलामा बजारको तुलनामा सस्तोमा स्वदेशी तथा विदेशी ब्रान्डका सामान खरिद गर्न सकिन्छ,” प्रधानले भने । नेपाल, भारत तथा बंगलादेशलगायत मुलुकका व्यवसायीहरू मेलामा सहभागी छन् ।
राजधानीका साथै राजधानी आसपासका उपभोक्ताले मेलाबाट लाभलिन सक्ने छन् भने विक्रेताहरूले पनि एकै स्थानमा फरक किसिमका उत्पादन बिक्री गर्न पाउने छन् । ५० हजार उपभोक्ताले एक्स्पो अवलोकन गर्दै आफूलाई आवश्यक वस्तु खरिद गर्ने आँकलन इभेन्ट सोलुसनको छ । मेला असोज १५ गतेसम्म चल्नेछ ।

सम्बन्धित खबर

सेयर बजार आज २२ अंकले बढ्यो

६२ अंकले बढ्याे नेप्से परिसूचक

१.८८ अंकले घट्याे सेयर बजार

ग्लोबल आइएमई बैंकका ग्राहकलाई दुषित थानी हिमालयन रिसोर्टमा १५ प्रतिशत छुट

नेप्से १८ अंकले घट्यो

आज २० अंकले घट्यो नेप्से