३ चैत्र २०८२, मंगलवार
२०७९ चैत्र २ गते, बिहीबार १४:२४ मा प्रकाशित
निर्वाचन आयोगले भोलि हुने उपराष्ट्रपति पदको निर्वाचनका लागि प्रचारप्रसार निषेधका अवधिमा राजनीतिक दलको बैठकबाट उम्मेदवारलाई मत दिने वा नदिने निर्णय नगर्नरनगराउन ध्यानाकर्षण गराएको छ ।
कांग्रेसले जसपाका उम्मेदवार राम सहाय प्रसाद यादवलाई मत दिने औपचारिक निर्णय बुधबार पार्टी कार्यसम्पादन समितिको बैठक राखेर निर्णय गरेपछि एमालेले त्यसविरुद्द निर्वाचन आयोगमा उजुरी दर्ता गरेको थियो ।
मौन अवधीमा पार्टी बैठक राखेर जसपा उम्मेदवारलाई मत दिने भनी निर्णय गरेर कांग्रेसले आचारसंहिता उल्लंघन गरेको र चुनाव प्रभावित गर्न खोजेको आरोपसहित एमालेले निर्वाचन आयोगमा उजुरी दर्ता गरेको थियो ।
एमालेको उजुरीपछि आयोगले आज प्रेस वक्तब्य नै निकालेर दलहरुलाई त्यसो नगर्न ध्यानाकषर्ण गराएको हो ।
उम्मेदवारका सम्बन्धमा कतिपय राजनीतिक दलका बैठक र त्यससँग सम्बन्धित सार्वजनिक अभिव्यक्ति आएका सन्दर्भमा आज आयोगले प्रेस विज्ञप्ति जारी गरी सो ध्यानाकर्षण गराएको हो । आयोगले निर्वाचनलाई स्वच्छ, स्वतन्त्र, निष्पक्ष, विश्वसनीय, पारदर्शी तथा भयमुक्त वातावरणमा सम्पन्न गर्न मतदान हुने दिनकोे ४८ घण्टा अघिदेखि मतदानको दिन मतदान केन्द्र बन्द नहुञ्जेलसम्म प्रचारप्रसार निषेधको अवधि लागु भइरहेको विज्ञप्ति मार्फत स्मरण गराएको छ ।
आयोगका प्रवक्ता शालिग्राम शर्मा पौडेलद्वारा आज जारी विज्ञप्तिमा यस अवधिमा निर्वाचन प्रचारप्रसार लगायत कुनै पनि प्रकारका बैठक, छलफल, अन्तक्रिया, सभा गर्न नपाइने उल्लेख छ ।
यसैगरी सम्मेलन, कार्यशाला, गोष्ठी आदि गर्न, उम्मेदवाको पक्ष वा विपक्षमा कुनै पनि प्रकारको प्रचारप्रसार गर्न, मत माग्न, एसएमएस, फेसबुक, भाइबरजस्ता विद्युतीय माध्यमद्वारा प्रयोग गरिने सामाजिक सञ्जालबाट मत माग्न, आचारसंहिता विपरीत वक्तव्य दिन, प्रेस विज्ञप्ति निकाल्न, प्रकाशन तथा प्रसारण गर्न नपाइने विज्ञप्तिमा उल्लेख गरिएको छ १
आयोगले मतदानमा सहभागी भई स्वविवेक प्रयोग गरी मतदान गर्न निर्वाचक मण्डलका सदस्यहरुलाई आग्रह गरेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
