९ मंसिर २०८१, आईतवार
२०७५ आश्विन १९ गते, शुक्रबार १०:४३ मा प्रकाशित
टेष्ट क्रिकेटमा डेब्यु गरेका ओपनर पृथ्वी शले शतकीय इनिङ खेलेपछि भारतले वेष्ट इण्डिजविरुद्धको पहिलो टेष्टको पहिलो दिन बिहिबार उच्च योगफल तयार गरेको छ ।
राजकोटमा शले १३४ रनको योगदान गरेपछि पहिलो दिनको समाप्तिमा भारतले ८९ ओभरमा ४ विकेट गुमाएर ३६४ रन जोडेको छ । टस जितेर पहिले ब्याटिङ गरेको भारतका लागि १८ बर्षीय शले १५४ बलमा १९ चौका प्रहार गरे । श डेब्यु खेलमा शतक बनाउने तेस्रो खेलाडी समेत बनेका छन् ।
यस्तै चेतेश्वर पुजाराले ८६ रनको अर्धशतकीय इनिङस खेल्दा अजिन्का रहानेले ४१ रन जोडे । भारतका कप्तान विराट कोहली ७२ रनमा अविजित रहदा रिशाब पन्त १७ रनमा अविजित छन् ।
वेष्ट इण्डिजका सनोन गब्रिल, किमो पाउल र देभेन्द्र विश्वले एक एक विकेट लिए ।
भारत भ्रमणमा रहेको वेष्ट इण्डिजले घरेलु टोलीविरुद्ध दुई खेलको टेष्ट सिरिज र पाँच एकदिवसीय सिरिज खेल्ने छ । यस्तै तीन खेलको टी-ट्वान्टी सिरिज खेल्नेछ । एजेन्सी ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
